Read Tase Naga Tvtsvmc 111 Bible Online

Tvtsvmc 111 - Tase Naga bible

Tvtsvmc 111

¹Yehowa muex tvtsvmc shuinz! Ngaz rueq ngvy thuinz vmungx lotlaz maq vpiq miqsaz htenc rvtuimx yaq kvyuq Yehowa muex tvtsvmc shaungx.

²Yehowa rueq shuimx yaq phvnx htenc kuex pinhtumc vwangc juing rvtueq! Kvruex yauk shuimc htenc kuex raungc raq jix rueq kvruex lvmz kuex tuiuz tay roc wuez yaq.

³Vpiq rueq shuimx wvnc tueq lotlaz nuex tvtsanc nganc nuiyc hungc vlaungc mvrc yaq; vpiq tsuingrux lvmx kuex pattup phaungx ngaungx httax yaq.

⁴Yehowa rueq vpiq vwangc juing yauk shuimc htenc kuex naung-shiq muex tvlauk gay muq; vpiq kuex menjenc vtueq lawc mawc thuinz vmvrx waz rvtueq.

⁵Vpiq muex tvtsanc nganc jix htenc muex phuiuz vsvy kuq ruiux; vpiq bomkhvrc kuex mkaq muinz lauk gay muq.

⁶Mungganc jix ghaq vraungx htenc kuex tsuingshiq muex kuy ruiux vpiq miqsaz htenc muex luimc vkawc tvkhic kuq tueq.

⁷Vpiq rueq shuimx wvnc tueq yauk shuimc lotlaz nuex vpiq kuex tvmtuing nuiyc tvrac vlvmz waz rvtueq; vpiq rueq nvrc bomc lotlaz kuex vkvmx juing rvtueq.

⁸Kvruex htenc kuex pattup phaungx ngaungx vtueq; kvruex kuex vlvmz rvkhauk nuiyc tsuingrux maq kuq shec tueq.

⁹Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!

¹⁰Yehowa muex tvtsanc nganc kuex tharc httaz wvnc juing lvmx rvtueq; vpiq rueq nvrc bomc htenc tay phvnx jix lotlaz muex rvkhauk laz khac phoc kuy lvmx kuq yaq. Vpiq rueq pattup tvtsvmc kvmc lvmz lvp wvnc tueq.