Read Tase Naga Tvtsvmc 136 Bible Online

Tvtsvmc 136 - Tase Naga bible

Tvtsvmc 136

¹Vpiq kuex vhvlx ningkhvnc nuex, Yehowa muex kejux vyungx ngoz shuinz vpiq lungwawc kuex pattup phaungx ngaungx yaq.

²Tishox htenc lotlaz htauk nuex vyungc pinhtumc Tishox muex kejux vyungx ngoz shuinz; vpiq lungwawc kuex pattup httax yaq.

³Taungjix htenc lotlaz htauk nuex hungc vlaungc httaz hvlc Yehowa muex kejux vyungx ngoz shuinz; vpiq lungwawc kuex pattup httax yaq.

⁴Vpiq rueq dvyx vwangc juing romzyac yunghvlc ruez lot yaq; vpiq lungwawc kuex pattup httax yaq.

⁵Vpiq rueq taksux tharc maq raungmungx kuex tvdung sung taq tueq; vpiq lungwawc kuex pattup httax yaq.

⁶Vpiq rueq thuiuz hvlc yuix htauk nuex ghaq kuex tvhungx taq tueq; vpiq lungwawc kuex pattup httax yaq.

⁷Vpiq rueq shalx nuiyc yapix kuex tvdung sung taq tueq; vpiq lungwawc kuex pattup httax yaq;

⁸shalx kuex raungnuiyq tvguimz tvkoc vpiq rueq tvdung tueq; vpiq lungwawc kuex pattup httax yaq;

⁹yapix nuiyc ruiysuiyq htenc tvdung sung tueq kuex raungwvrx tvguimz tvkoc rvtueq; vpiq lungwawc kuex pattup httax yaq.

¹⁰Vpiq rueq Ejip miqsaz pekhux sahez kuex thvt gay tueq; vpiq lungwawc kuex pattup httax yaq.

¹¹Israel miqsaz htenc kuex Ejip mungx wawc vpiq rueq shvlx wvnc tueq; vpiq lungwawc kuex pattup httax yaq;

¹²vpiq hungc vlaungc httaz hvlc yauk, vpiq luimc vkawc mvrc yaq yauk phumz maq tsuingshiq kuex shvlx wvnc tueq; vpiq lungwawc kuex pattup httax yaq.

¹³Vpiq rueq Yuix Shawx Jumx kuex mvnnueyc muex tv-phvlc gay tueq; vpiq lungwawc kuex pattup httax yaq;

¹⁴vpiq miqsaz htenc kuex kvruex vmungx baung kvmaq shvlx wvnc tueq; vpiq lungwawc kuex pattup httax yaq;

¹⁵yuq muinz vpiq rueq Ejip hokhvmx nuiyc piq nolaungx bix htenc kuex yuix jumx kvyuq tvhtuip gay tueq; vpiq lungwawc kuex pattup httax yaq.

¹⁶Vpiq miqsaz htenc kuex kumtsvy tvnx maq shvlx wvnc tueq; vpiq lungwawc kuex pattup httax yaq.

¹⁷Vpiq rueq luimc vkawc mvrc yaq hokhvmx bix kuex thvt gay tueq; vpiq lungwawc kuex pattup httax yaq;

¹⁸vpiq rueq muingc jungc vhttax hokhvmx bix kuex thvt gay tueq; vpiq lungwawc kuex pattup httax yaq;

¹⁹vpiq rueq Amori hokhvmx Sihon kuex thvt gay tueq; vpiq lungwawc kuex pattup httax yaq.

²⁰Bashan hokhvmx Oga kuex thvt gay tueq; vpiq lungwawc kuex pattup httax yaq.

²¹Vpiq rueq tsuingshiq ghaq vraungx kuex vpiq miqsaz htenc muex lekuq tueq; vpiq lungwawc kuex pattup httax yaq;

²²vpiq rueq kvruex htenc kuex vpiq nvrc waz Israel muex kuq gay tueq; vpiq lungwawc kuex pattup httax yaq.

²³Naungshiq sumx wvnc tiq nuex naungshiq kuex vpiq rueq lauk gay muq; vpiq lungwawc kuex pattup httax yaq;

²⁴Vpiq rueq naungshiq kuex naung- shiq ralx hez yauk wawc tvdung wvnc phuex; vpiq lungwawc kuex pattup httax yaq.

²⁵Vpiq rueq yungsuiuz yawxsaz lotlaz muex phuiuz svy juing kuq yaq; vpiq lungwawc kuex pattup httax yaq.

²⁶Raungmungx wawc Tishox muex kejux vyungx ngoz shuinz; vpiq lungwawc kuex pattup httax yaq.