Read Tase Naga Tvtsvmc 27 Bible Online

Tvtsvmc 27 - Tase Naga bible

Tvtsvmc 27

¹[27] Yehowa kuex ngvy raungwuic nuiyc ngvy palc jix waz rvtueq; ukhaq muex muinz ngaz hiz mauk. Yehowa rueq kvhiz juing lotlaz wawc ngaz kuex tvkhup wungx kuq phuex; ngaz kuex mkaq muinz hiz mauk.

²Honc bac jix miq htenc rueq ngaz kuex khvt vtueq thvy gay tvkoc hung yaq nuex, tsuingshiq kvhtuip vtueq rul wvnc vtuex.

³Ralx tap wvdaungx tuimx rueq ngaz tuimx wvnc ruiux muinz, ngaz hiz taungx rvmuq; ralx htenc rueq ngaz khvt wvnc ruiux doc muinz, Tishox muex dvyx kvmx vtaungx.

⁴Ngaz kuex ngaz rueq vroc phvnx shiz kuex Yehowa kox wawc thoz vshaungx; kvruex kuex ngvy rullungx tvraungx wawwawx Yehowa yuimx nuex httax lvp vtueq, vpiq vhvlx lvmx kuex kvruex baung kvyuq khiz vshaungx, vpiq rueq shunshvlc kuex thoz tvkoc dvyx ngaz rueq roc vshaungx.

⁵Kuilc daz rvhumc taungx vkhing htenc nuex vpiq kuex ngvy kvguing juing muex yaungx tuex; vpiq rueq ngaz kuex vpiq Shomc Yuimx nuex tvkhup wungx kuq phuex, johvlc lung rauk htauk nuex ngaz kuex tvguing taq phuex.

⁶Kvkhoc rvtueq ngaz rueq ngvy tvroz tuimc jix ralx htenc kuex taungx gay tauk; ngaz kuex kokez maq guyc vtueq vpiq Shomc Yuimx nuex shomc nawk kuy shomc kuq shaungx. Ngaz rueq Yehowa muex shic vngoyc maq tvtsvmc shaungx.

⁷Yehowa lex, ngaz rueq gvl ruiux ngaz muex tay kuq koq! Menjenc vtueq ngaz muex tvralc kuq koq!

⁸“Ngaz muex nawk palx tvkoc kaz luit” ngoz tueq mnoz rueq jungx toq nuex, “Yehowa lex, ngaz kaz vraungx,” ngoz tueq tvralc phaungx.

⁹“Mnoz kuex ngvy kox wawc nauk kvhttuiyq wvnc kaz!” Ngaz muex thuinz nauk khaq kaz; mnvrc waz kuex nauk tvdux kaz. Mnoz kuex ngaz muex romc kuy jix waz rvtoq. Ngvy palc jix waz O Tishox lex, ngaz kuex nauk gay shec vkueq, nauk tuip gay vkueq.

¹⁰Inyuiuz nuiyc iwaz rueq ngaz kuex tuip gay ruiux muinz, Yehowa rueq ngaz muex tvkhup wungx lawc mawc kuq phuex.

¹¹Yehowa lex, mnoz rueq ngaz muex yvmx tvshuimc roc lac kuex ngaz muex tvluing kuq koq, ngaz muex ralx paunghvlc httax yaq, kvkhoc rvtueq ngaz kuex kuiyq-shuik suinglix lvmx nuex shvlx koq.

¹²Vrot vkaq kvjaz nuiyc tvhiz tvsungx lvmx htenc maq, ngaz muex khvt yaq ngvy ralx htenc yauk nuex ngaz kuex nauk tuip gay kueq.

¹³Yehowa hvlx rix yaq lvmx kuex ngaz rueq vruex rullungx vyuq khiz shaungx ngoz tueq ngaz rueq tuiuz vshaungx.

¹⁴Yehowa muex tvluimc shuinz. Kvmluimx wuez kuinz, thuinz nauk tvbac kaz. Yehowa muex tvluimc wuez shuinz.