Read Tase Naga Tvtsvmc 52 Bible Online

Tvtsvmc 52 - Tase Naga bible

Tvtsvmc 52

¹[52] Yungc loayc hvlc waz lex, yvmx ngoz tueq lac mnoz kuex honc bac lvmx nuex kvsomc parc vtuiux? Tishox lungwawc thuinz kuex pattup phaungx ngaungx yaq.

²Mnoz rueq miq kuex tvbac gay tvkoc tvnkhvnz vshuiux; mtvlix kuex vsulc juing yaung suiy ikhoc httehvlc rvtueq. Mnoz rueq vrot vkaq kvjaz kuex mkaq muinz jungphvnx vshuiux.

³Mnoz rueq vhvlx htauk nuex vbac kuex, rvkhauk vlvmx htauk nuex vrot vkaq kvjaz kuex jvnc vtueq roc vshuiux.

⁴Vrot vkaq miq lex, mkvjaz maq miq muex thuinz tvbac juing lvmx jungc tvkoc dvyx roc vshuiux nyix!

⁵Kvkhoc rvtueq Tishox rueq mnoz kuex pattup tvbac gay kv-phux; vpiq rueq mnoz kuex m-yuimx wawc het tvdung gay kv-phux; vpiq rueq mnoz kuex tvraungx jix htenc httax yaq mungkawx vwawc lvmz gay kv-phux.

⁶Tsuingrux jix miqsaz htenc rueq kvruex lvmz kuex khiz vtueq hiz wuez tuex; kvkaq tsuingshiq rueq mnoz kuex nueykuic vtueq ngoz yaq kuex,

⁷“Lawc shuinz, vyuq piq kvwungx tvkoc Tishox muex tvluimc tvraung, piq tsak vnyvmx paungc kvmac tvluimc yaq piq kuex layx vbac maq miqmac kvwungx juing thuiyx yaq miq rvtueq,” ngoz tueq jungx yaq.

⁸Yuq muinz ngaz kuex Tishox yuimx wawc wuiljuit wuil jaungx olip pulx ikhoc rvtauk; ngaz kuex vpiq phaungx ngaungx yaq lungwawc thuinz muex pattup pat-sac tvluimc vshaungx.

⁹Tishox lex, mnoz rueq shuimx wvnc toq yauk shuimc htenc ningkhvnc nuex ngaz rueq mkaq muinz kejux vyungx ngoz vphaungx; mmiqsaz htenc khaungkac nuex mnoz vhvlx lvmz kuex ngaz rueq jungphvnx shaungx.