Read Tase Naga Tvtsvmc 57 Bible Online

Tvtsvmc 57 - Tase Naga bible

Tvtsvmc 57

¹[57] Ngaz mnoz nuex kvwungx tvkoc httuiuc kaz raungx ningkhvnc nuex, O Tishox lex, menjenc kuq koq, ngaz muex menjenc koq. Raunghtiq raungguil lvy wvnc nuex httuiuc laz, mraungx kungx khung nuex ngaz kvwungx vtaungx.

²Johvlc Pinhtumc Tishox ngoz yaq, ngaz muex rax yaq phvnx ruip rawx romc kuy jix Tishox kuex ngaz rueq gvl vshaungx.

³Vpiq rueq raungmungx maq tvralc vtueq ngaz kuex palc wvnc phuex; ngaz muex tuinghtuing jix htenc kuex yurc gay shuex. Tishox rueq vpiq phaungx ngaungx yaq lungwawc thuinz nuiyc tvmtuing kuex ngaz muex tvkhic kuq phuex.

⁴Miq ngvmx phuiuz jix hangsic htenc ikhoc ralx htenc rueq ngaz tvroz tuimc wvnc rvhumc vtaungx. Tsuingshiq wac htenc kuex paq nuiyc laqsvnz htenc ikhoc rvtueq, tsuingshiq tvlix htenc kuex httehvlc yaung ikhoc rvtueq.

⁵O Tishox lex, raungmungx nuex mnoz yungx luz vtuiux nuiyc ghaq htauk nuex muinz, mnoz ngauz vngax kuex mdung wvnc kueq.

⁶Ngvy ralx htenc rueq ngvy lvp muex lvmz nuex jak kuex juinc shec tueq; ngaz kuex kuilc daz rvhumc vtaungx. Ngvy lvmx nuex tsuingshiq rueq htawkhurx htuz taq shec tueq, yuq muinz tsuingshiq dvyx kvyuq dvy wvnc wuez tueq.

⁷O Tishox lex, ngaz kuex tvsawc rix kvmx vtaungx; ngaz rueq mnoz muex shic vngoyc maq tvtsvmc phaungx!

⁸O ngvy siyac lex, kvsvmc kuiuz! Ngvy torox nuiyc toloz lex, kvsvmc kuinz! Shalx muinz ngaz rueq tvsvmc shaungx.

⁹O Yehowa lex, miqphvnx htenc hvlwvl maq mnoz muex ngaz rueq kejux vyungx ngoz vshaungx. Miq htenc htumc nuex ngaz rueq mnoz muex tvtsvmc phaungx.

¹⁰Mnoz phaungx ngaungx yaq lungwawc thuinz kuex raungmungx nuex htanc yaq; mnoz tvmtuing lvmx kuex raung-wuilx wanc nuex httuiuc laz htanc yaq.

¹¹O Tishox lex, raungwawc mnoz yungx luz vtuiux lvmx nuiyc ghaq lotlaz nuex muinz mnoz ngauz vngax dung yaq kuex tvkhic shuiuz.