Read Tase Naga ESAIA 4 Bible Online

ESAIA 4 - Tase Naga bible

ESAIA 4

¹Kvruex raungnuiyq httuiuc wvnc tuex nuex, yalxjuik nyuiuz mvshix rueq miqwaz vshiz kuex shuimx wuez vtueq, “Nuiyshiq miqmac phuiuz vsvy phauk saq ruiux miqmac khosvmc khvysvmc vhttax, yuq muinz mnoz kuex nuiyshiq taungx waz rvtueq, ngoz tueq kejux maq nuiyshiq rueq jungx phix, ngoz ruiux nuiyshiq kuex miq muex waungc guez yvlc svy kuex rvhumc miq rvtix,” ngoz tueq jungx wuez yaq.

²Yehowa rueq luingx lomz nuiyc pulx ruip rawx htenc kuex ghaq nuex tvkemz tvyungc vtueq tvsvp rvp shuex. Rullungx tvraungx Israel miqsaz htenc kuex kvruex ghaq vraungx wawc vtvdung kuq vthuey vngoz ningkhvnc nuex kokez wuez vtueq ngamc ngax wuez tuex.

³Tishox rueq thvlc tvy rvhumc vtueq Yerusalem nuex thuiuzthuic tvraungx kvjungx yaq miq ruip rawx kuex vsawc jvnc ngoz tueq ngoc rvhumc tuex.

⁴Taungjix rueq vpiq luimc vkawc maq khac phox kuq ruiux, miqphvnx htenc kuex tvsawc nawc vtueq Yerusalem mvrax nuiyc kvyuq ruiuc tueq tvguiy kuex tvsawc hoal kuq gay shuex.

⁵Kvruex yimaq Zion Kanx htauk nuiyc kvyuq tvtuimx tvy rvhumc jix lotlaz htauk nuex, Yehowa rueq raungnuiyq nuex phuemx maq, raungwvrx nuex wvr khuiuq nuiyc wvrluic tvkaz kuq shuex. Tishox ngauz vngax rueq luimz wvnc vtueq wvghaq tuimx tvkhup wungx shuex.

⁶Vpiq ngauz vngax rueq ghaqyungx kuex raungnuiyq shalx kawc thuiuz kuex tvwungx kuq ruiux, raunghtiq raungguil raungyunx ruiux yuq kvtuing tvwungx juing tvyaungc kuq shuex.