Read Tase Naga LEWI 12 Bible Online

LEWI 12 - Tase Naga bible

LEWI 12

¹Yehowa rueq Israel miqsaz htenc tvkoc phvnc juing tvrac kuex Moshe muex kuq tueq.

²Yalxjuik nyuiuz khvysvmc kaz yaq baunglaung sawc muq ikhoc miqwaz saz jawx shuex yix maq raungx mvshix nuex httuiuc laz kuex sawc muq rvtueq.

³Raungx tvjvt vngoz raungnuiyq nox kvruex vhttoar gvnc vhtungx kuy rax.

⁴Kvruex yimaq vnyuiuz kuex raungrok thuimx rac raungnuiyq thuimx baunglaung nawk palx htungx maq sawc muq ningkhvnc nuex, tvguiy max sawc wawwawx vsawc phvnx phvnshiz muinz shuimc mvy muq; Tap mungx nuex muinz nyuip waungc mvy muq.

⁵Yalxjuik saz jawc jix nyuiuz kuex khvysvmc kaz yaq baunglaung sawc muq ikhoc saz jawc lot yix raungx rokshiz rac raungx bvlic baunglaung kuex nawk palx htungx maq sawc muq rvtueq. Kvruex yimaq vnyuiuz kuex tvguiy max sawc wawwawx, raungx 66 kuex nawk palx htungx maq sawc muq.

⁶Miqwaz saz, rvmuq ngoz ruiux yalxjuik saz jawx ruiux muinz, tvsawc nawc vkhing httuiuc ruiux yuq, wvr maq jauk shomc kuy tvkoc hituiuc rvmuq ngoz ruiux baro vshiz kuex Yehowa httax yaq Tap nuex nyuip waungc juing kaluix daungx nuex shomc waz kox nuex lvmc lvy raung rvtueq.

⁷Shomc waz rueq shomc kuy juing kuex Yehowa muex lekuq vtueq piq sawc muq kuex lvmz kuq gay ruiux, piq kuex sawc wvnc tuex. Vruex kuex saz jawc yix noshawx nyuiuz rulx rueq shuimc juing yauk shuimc rvtueq.

⁸Yalxjuik nyuiuz rueq khelbuenx pung maq shomc kuq lot muq ngoz ruiux kuex hituiuc vnueyc, rvmuq ngoz ruiux baro vnueyc kuex lvmc lvy rax, vshiz kuex wvr maq jauk shomc kuy muex, vshiz kuex mvrax kvdawc shomc kuy tvkoc rvtueq, shomc waz rueq noshawx nyuiuz kvsawc nawc juing lvmz kuex shuimc kay ningkhvnc nuex, noshawx nyuiuz kuex nawk palx htungx maq sawc wvnc tuex.