Read Tase Naga YEREMIA 45 Bible Online

YEREMIA 45 - Tase Naga bible

YEREMIA 45

¹Josia saz Yuda hokhvmx Jehoiakim hoc nuex ngaungc wawc bvlic raungwawc, ngaz rueq vjungx kvjaz htenc kuex Baruk rueq wuiyq taq tueq. Kvruex yimaq ngaz rueq piq muex jungx tauk,

²Yehowa Israel Tishox rueq, “Baruk lex,

³mnoz muex, ‘Ngaz vsumx kuq vphaungx! Yehowa rueq ngvy jamjaux htauk nuex yonzyec juing muinz tvrvp kuq phuex. Ngaz kuex kvbot nyvnx hunnyex vtaungx, nyec tvkuiyq juing ngaz rueq humc mauk!’ ngoz tueq jungx vshuiux.

⁴“Yuq muinz ngaz, Yehowa rueq vguirx kuex httak gay shaungx, ngaz rueq vkhic kuex phiz gay shaungx. Vkhoc yauk shuimc kuex ghaq htauk vyuq ngaz rueq shuimx shaungx.

⁵Mnoz rueq mshauk pumz tvkoc htep lvp juing haz thuiyx vshuiux? Kvkhoc nauk thuiyx kaz. Ngaz rueq mungkawx miqsaz lotlaz htauk nuex vkuilc vdaz kuex tvdung shaungx, yuq muinz mnoz kuex mnoz kaz wvnc ruiux baung ruip saz nuex mrullungx kuex luenx wvnc tuiux. Ngaz Yehowa rueq jungx vshaungx.”