Read Tase Naga WUINKHUEMC 26 Bible Online

WUINKHUEMC 26 - Tase Naga bible

WUINKHUEMC 26

¹Htaungkuiyq suingx wvnc yix maq Yehowa rueq Moshe nuiyc Arun saz Eleazar muex ngoc,

²“Israel miqsaz htenc kvwawc rullungx wawc roknueyc maq htauk kox, ralx khvt taungx jix miqwaz rulc muingc wvlc kuex vphvnx tv-phvnc lvmz shuinz,” ngoz rueq jungx tueq.

³Moshe nuiyc Eleazar rueq tsuingnueyc muex nvr tueq rulc rv-ngvlc rullungx wawc roknueyc maq htauk kox nuex httax yaq miqwaz rulx htenc gvl koq tueq, tsuinghez kuex Yerikho ghaq ral Yodan ruilx kawx wawc Moba tvnx nuex rvtuimx wuez tueq. Ejip maq vkaz wvnc rullungx wawc roknueyc maq htauk kox wawc Israel miqsaz miqwaz rulc muingc wvlc kuex lvmx kaq nuex httax yaq kvkhoc rvtueq:

⁴

⁵Ruben waruiuz (Ruben waruiuz kuex Yaku saz pekhux waz rvtueq): Vsaz hez kuex Hanok, Pallu,

⁶Hezron nuiyc Karmi taungx hez rvtueq.

⁷Kvruex taungx hez htenc muingc wvlc kuex 43,730 rvtueq.

⁸Pallu suiuz vsaz kuex Eliab

⁹vsaz hez kuex Nemuel, Dathan, Abiram rvtueq. (Nathan nuiyc Abiram kuex Israel miqsaz htenc rueq walaungx muex thvlc dvyx rvhumc vtueq, Moshe nuiyc Arun kvjaz tvlvlc ruiux Kora yix phvnc jix hez rulc vdvmz Yehowa khawc lvlc naungc jix hez rvtueq.

¹⁰Tsuingnueyc kuex Kora nuiyc piq yix phvnc jix hez miq 250 kuex wvr rueq tvbac khamc gay tueq nuex, ghaq kuex khaungc wvnc vtueq Kora rulc vdvmz yuk gay tueq nuex lomx naungx jix rvtueq. Tsuingnueyc kuex miq htenc tvkoc tvhonc tvsvmc kuy juing muex yaungx wvnc tueq.

¹¹Yuq muinz Kora sahez kuex thvy gay rvhumc muq.)

¹²Simeon waruiuz wawc kuex: Nemuel, Jamin, Jachin,

¹³Zera nuiyc Shaul rvtueq.

¹⁴Kvruex taungx hez htenc muingc wvlc kuex 22,200 rvtueq.

¹⁵Gad waruiuz wawc kuex: Zephon, Hagi, Shuni,

¹⁶Ozni, Eri,

¹⁷Arod nuiyc Areli rvtueq.

¹⁸Kvruex taungx hez htenc muingc wvlc kuex 40,500 rvtueq.

¹⁹Yuda waruiuz wawc kuex: Shela, Pereza, Zera, Hezron nuiyc Hamul taungx hez htenc rvtueq. (Yuda saz wanueyc rvtueq Era nuiyc Onan kuex Kanaan mungx nuex thueyc kaz tueq.)

²⁰

²¹

²²Kvruex taungx hez htenc muingc wvlc kuex 76,500 rvtueq.

²³Issakar waruiuz wawc kuex: Tola, Pua,

²⁴Jashub nuiyc Shimron rvtueq.

²⁵Kvruex taungx hez htenc muingc wvlc kuex 64,300 rvtueq.

²⁶Zebulun waruiuz wawc kuex: Sered, Elon nuiyc Jaleel rvtueq.

²⁷Kvruex taungx hez htenc muingc wvlc kuex 60,500 rvtueq.

²⁸Yosep waruiuz wawc kuex Manase nuiyc Ephraim rvtueq, Yosep kuex Manase nuiyc Ephraim waz rvtueq.

²⁹Manase waruiuz wawc kuex: Manase saz Makhir kuex Gilead waz rvtueq, Gilead suiuz vsaz hez kuex:

³⁰Jezer, Helek,

³¹Asriel, Shekhem,

³²Shemida nuiyc Hepher rvtueq.

³³Hepher saz Zelophehad kuex vsaz miqwaz saz vguez, yalxjuik sahez dvyx rvtueq; yalxjuik sahez muingc kuex Mala, Noa, Hogla, Milka nuiyc Tirza rvtueq.

³⁴Kvruex taungx hez htenc muingc wvlc kuex 52,700 rvtueq.

³⁵Ephraim waruiuz wawc kuex: Shuthela, Becher nuiyc Tahan rvtueq.

³⁶Eran suiuz vsaz hez kuex Shuthela taungx rvtueq.

³⁷Kvruex taungx hez htenc muingc wvlc kuex 32,500 rvtueq. Vruex taungx hez htenc kuex Yosep suiuz vsaz hez wawc rvtueq.

³⁸Benjamin waruiuz wawc kuex: Bela, Ashbel, Ahiram,

³⁹Shephupham nuiyc Hupham rvtueq.

⁴⁰Arda nuiyc Naman kuex Bela suiuz vsaz phvnx rvtueq.

⁴¹Kvruex taungx hez htenc muingc wvlc kuex 45,600 rvtueq.

⁴²Dan waruiuz wawc kuex: Shuham taungx hez lomx yaq,

⁴³muingc wvlc kuex 64,400 rvtueq.

⁴⁴Asher waruiuz wawc kuex: Emna, Eshawi nuiyc Beria rvtueq.

⁴⁵Heber nuiyc Malchiel kuex Beria suiuz vsaz rvtueq.

⁴⁶Asher saz yalxjuik saz muingc kuex Sera rvtueq.

⁴⁷Kvruex taungx hez muingc wvlc kuex 53,400 rvtueq.

⁴⁸Naphtali waruiuz wawc kuex: Jazeel, Guni,

⁴⁹Jezer nuiyc Shillem rvtueq.

⁵⁰Kvruex taungx hez htenc muingc wvlc kuex 45,400 rvtueq.

⁵¹Israel miqsaz miqwaz rulx htenc muingc wvlc kuex 601,730 rvtueq.

⁵²Yehowa rueq Moshe muex ngoc,

⁵³“Waruiuz wawc miq muingc wvlc vpaung vthvp kvruex tv-phvnc mungtan kuex phvlx kuq shuiuz.

⁵⁴Miq vpaung jix muex kuex ghaqphux vyungx, miq vthvp jix muex kuex ghaqphux vruinx raz tueq, hangchac maq tvthvl shuiuz,” ngoz tueq jungx tueq.

⁵⁵

⁵⁶

⁵⁷Lewi waruiuz wawc kuex: Gershon, Kohat nuiyc Merari rvtueq.

⁵⁸Tsuinghez wawc shex hulawx Libni, Hebron, Mali, Mushi nuiyc Kora taungx hez htenc lomx tueq. Kohat saz Amaram rueq,

⁵⁹Ejip mungx nuex vjawx Lewi saz yalxjuik saz Jochebed kuex lvmz tueq. Piq rueq Amram tvkoc miqwaz sanueyc Arun nuiyc Moshe, yalxjuik saz Miriam kuex jawx tueq.

⁶⁰Arun sahez kuex Nadab, Abihu, Eleazar nuiyc Ethamar tsuinghez waz bvlic rvtueq.

⁶¹Nadab nuiyc Abihu kuex Yehowa muex shomc nawk kuy aungx muq wvr maq shomc kuy ningkhvnc nuex thueyc rvhumc tueq.

⁶²Lewi waruiuz wawc yapix lex shiz maq htauk kox wawc miqwaz rulx muingc wvlc kuex 23,000 rvtueq. Tsuingshiq kuex Israel mungtan nuex ghaqphux phvlx kuq muq ningkhvnc nuex vganc Israel miqsaz muingc wvlc nuex tvlomx naungx muq maq, pungx baung nuex lvmz taq shec tueq.

⁶³Miq muingc wvlc vruex kuex Moshe nuiyc Eleazar rueq Yerikho ghaq ral Yodan ruilx kox nuex httax yaq Moba tvnx maq Israel miqsaz htenc vtaungx tv-phvnc vlvmz muingc wvlc rvtueq.

⁶⁴Miq muingc wvlc lvmz tueq vruex yuq Moshe nuiyc Arun rueq Sinai kumtsvy tvnx maq vphaungc lauk lvmz tueq wawc miq kuex washiz muinz lomx muq doc.

⁶⁵Kvruex hez htenc kuex yaruix tvnx nuex thueyc wvnc wuez tuex ngoz tueq Yehowa rueq jungx tueq rulc rv-ngvlc Jephunne saz Kaleb nuiyc Nun saz Yoshua maq lvy vtueq kvjungx yaq lotlaz kuex thueyc kaz tueq.