Read Tase Naga WUINKHUEMC 7 Bible Online

WUINKHUEMC 7 - Tase Naga bible

WUINKHUEMC 7

¹Moshe rueq Yehowa httax yaq Tap kuex guirx lot tueq raungnuiyq kvkaq, Tap nuiyc kvyuq seng yaq hup svmx htenc muinz, shomrawx nuiyc kvyuq seng yaq hup svmx htenc muinz, ruimruimc puiz tix maq shvy vtueq lekuq tueq.

²Kvruex yimaq muingc wvlc lvmz tueq nuex yauk shuimc lawc jix Israel miqsaz wawc walaungx bix yaungx yaq, vtaungx wawc shungc waz yaungc jix htenc rueq,

³Yehowa kox nuex shomc kuy juing kuex lvmz laq wuez tueq: walaungx washiz rueq manx roalc pung vshiz, wanueyc rueq renc vshiz shiz raz tueq romshauk renc tvruk nuiyc manx rokshiz rac vnueyc ruec rax. Kvruex htenc kuex tsuinghez rueq yauk noalc kuy yix,

⁴Yehowa rueq Moshe muex ngoc,

⁵“Mnoz rueq Tap nuex seng vtueq yauk shuimc tvkoc vruex yauk noalc hup svmx htenc kuex thoz taq shuiuz; Lewi phvnx rueq shuimc juing yauk shuimc kvruex tv-phvnc yauk noalc hup svmx htenc kuex tsuingshiq muex kuq shuiuz,” ngoz tueq jungx tueq.

⁶Kvkhoc rvtueq Moshe rueq renc nuiyc manx htenc kuex Lewi phvnx muex kuq tueq.

⁷Piq rueq renc vnueyc rac manx roalc pung bvlic kuex Gershon taungx hez muex,

⁸renc bvlic rac manx roalc pung tvjvt kuex Merari taungx hez muex kuq tueq. Tsuinghez rueq yauk shuimc httax yaq htenc kuex Arun saz Ethamar rueq tvkhic nvr shuex rulc rv-ngvlc shuimx kaz yaq.

⁹Kohat taungx hez kuex miqmac rueq lawc mawc httuiyq httvmx yaq Tap nuex seng vtueq hup svmx htenc kuex phauk nuex pic juing ningkhvnc nuex Moshe rueq tsuingshiq tvkoc renc nuiyc manx kuex kuq muq doc.

¹⁰Walaungx bix rueq shomrawx kuex lekuy moalx tvhungx tvkoc shomc kuy juing htenc kuex laq wuez tueq. Shomrawx nuex tsuingshiq yauk noalc htenc kuex lekuy tvkoc tsuingshiq rueq tvyoalc yoalx shex nuex,

¹¹Yehowa rueq Moshe muex ngoc, “Shomrawx kuex lekuq ruiux yuq, walaungx bix rokshiz rac wanueyc rueq washiz rueq nuiyqshiz shiz lvmz wuez vtueq miqmac rueq kuy juing yauk noalc hup svmx htenc kuex mkuq shueq tsuinghez muex jungx shuiuz,” ngoz tueq jungx tueq.

¹²Kvkhoc rvtueq tsuingshiq kuex miqmac rueq shomc kuy juing htenc kuex lvmx kaq nuex tvkhic shec tueq rulc rv-ngvlc kuq wuez tueq: [Nuiyq] — [Phvnx] — [Walaungx] Nuiyq 1 — Yuda — Amminadab saz Nashon Nuiyq 2 — Issakar — Zuar saz Nethanel Nuiyq 3 — Zebulun — Helon saz Eliab Nuiyq 4 — Ruben — Shedeur saz Elizur Nuiyq 5 — Simeon — Zurishaddai saz Shelumiel Nuiyq 6 — Gad — Deuel saz Eliasap Nuiyq 7 — Ephraim — Ammihud saz Elishama Nuiyq 8 — Manase — Pedazur saz Gamaliel Nuiyq 9 — Benjamin — Gideoni saz Abidan Nuiyq 10 — Dan — Ammishadai saz Ahiezer Nuiyq 11 — Asher — Okhran saz Pagiel Nuiyq 12 — Naphtali — Enan saz Ahira Tsuinghez miq tek vtueq shomc kuy juing kuex rv-ngvlc phvnx shiz dvyx rvtueq: kvruex kuex rungx tawk rvkhauk laz maq vshenc kilogram 1.5 liq yaq kuimphox khvp vshiz rac gram 800 liq yaq kuimphox pantuimz vshiz, kvruex kuimphox kok nueyc kvyuq ruiy vwungx maq shomc kuy tvkoc vpuiz rulc vshot wungwa(...)

⁸⁴Shomrawx kvyuq shomc kuq shuex kvkaq Israel miqsaz walaungx bix rokshiz rac wanueyc rueq lvmz laq yaq shomc kuy juing lotlaz kuex: — kilogram 27.6 liq yaq kuimphox khvp rokshiz rac vnueyc nuiyc kuimphox pantuimz rokshiz rac vnueyc — kilogram 1.32 liq yaq kuimshawx panjamc rokshiz rac vnueyc nuex vhomc vshot vmvrx httax yaq — wvr maq jauk shomc kuy juing manx roalc pung rokshiz rac vnueyc, khelbuenx pung rokshiz rac vnueyc, wawcshiz khelbuenx rokshiz rac vnueyc nuiyc kvyuq laung juing vruiy vwungx htenc — mvrax kvdawc shomc kuy juing khelkhix rokshiz rac vnueyc — lux rvyaungc shomc kuy juing manx roalc pung 24, khelbuenx pung 60, khelkhix 60, wawcshiz khelbuenx 60 htenc rvtueq.

⁸⁹Moshe kuex Yehowa muex jungc tvtay tvkoc Tap mungx nuex nyuip waung ruiux yuq, Bomkhvrc Jep guip htauk wawc kherubim vnueyc hvlwvl kvmaq Yehowa rueq jungx yaq thuic bomc kuex tay yaq.