Read Tayta Diosninchi Isquirbichishan 1 Crónicas 2 Bible Online

1 Crónicas 2 - Tayta Diosninchi Isquirbichishan bible

1 Crónicas 2

¹Israelpa wamrancuna caran: Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad, Aser.

³Judäpa wamrancuna caran: Er, Onán, Sela. Chay quimsan wamrancunapa maman caran Cananea warmi. Chay warmipa papäninpa jutin caran Shúa. Judäpa mayur caj wamran Erga amatar fiyu caran. Chaymi TAYTA DIOS camacächiran wañunanpaj.

⁴Llumchuynin Tamarcho Judäpa wamran caran millish: Fareswan Zera. Chaura Judäpa wamran llapanga caran pichga.

⁵Farespa wamrancuna caran: Hezronwan Hamul.

⁶Zerapa wamrancuna caran: Zimri, Etán, Hemán, Calcol, Darda. Llapanga caran pichga.

⁷Carmipa wamran caran Acar. Paymi fiyupa mana alli llaquicuyman churaran Israelcunata. Ushajpaj illgächinanpaj Tayta Dios nishanta quiquinpaj charicurcuran.

⁸Etanpa wamran caran Azarías.

⁹Hezronpa wamrancuna caran: Jerameel, Ram, Quelubai.

¹⁰Ramga caran Aminadabpa papänin. Aminadab caran Naasonpa papänin. Paynami caran Judá castapa mandajnin.

¹¹Naasón caran Salmapa papänin. Salma caran Boozpa papänin.

¹²Booz caran Obedpa papänin. Obed caran Isaïpa papänin.

¹³Isaïpa guechpa wamran caran: Eliab, shullcanna Abinadab, Simea,

¹⁴Natanael, Radai,

¹⁵Ozem. Ñuñushna caran David. Llapanga ollgu wamrancuna caran ganchis.

¹⁶Paycunapa pañin caran Sarviawan Abigail. Sarviapa wawan caran quimsa: Abisai, Joab, Asael.

¹⁷Abigailpa wamran caran Amasa japallan. Paypa papänin caran Jeter. Pay caran Ismael famillya.

¹⁸Hezronpa wamran Calebpa warmin caran Azuba. Paycho wamran caran Jeriot. Chaypita caj wamrancuna caran: Jezer, Sobab, Ardón.

¹⁹Azuba wañuptin Calebga yaparan Efrata jutiyoj warmiwan. Chay warmincho caran wamran Hur.

²⁰Hurpa wamran caran Uri. Uripa wamranna caran Bezaleel.

²¹Hezrón sojta chunca (60) watayoj caycashancho majachacaran Maquirpa wamranwan. Maquirga caran Galaadpa papänin. Chay warmincho Hezronpa wamran caran Segub.

²²Segubna caran Jairpa papänin. Paypa ishcay chunca quimsa (23) siudänincuna caran Galaad particho.

²³Ichanga Jair famillya tiyaycashan siudäcunata guechuran Gesurwan Aram. Kenat famillya tiyaycashantapis intëru jircantinta wasincunatawan guechuran. Llapantaga guechuran sojta chunca siudäcunata. Chay siudäcunacho tiyajcunaga caran Galaadpa papänin Maquirpita mirajcunallami.

²⁴Caleb-Efratacho Hezrón wañushanpita warmin Abías gueshyacuran Asurta. Asurna caran Tecoapa papänin.

²⁵Hezronpa guechpa wamran Jerameelpa wamran caran: Ram, Buna, Orén, Ozem, Ahías.

²⁶Jerameelpa jucaj warminpa jutin caran Atara. Paycho wamran caran Onam.

²⁷Jerameelpa guechpan Rampa wamran caran: Maaz, Jamín, Equer.

²⁸Onampa wamrancuna caran: Samaiwan Jada. Samaipa wamrancuna caran: Nadabwan Abisur.

²⁹Abisurpa warmin caran Abihail. Paynami maman caran Ahbanpawan Molidpa.

³⁰Nadabpa wamrancuna caran: Seledwan Apaim. Seledga wamranpis manaraj captin wañucuran.

³¹Apaim caran Isipa papänin. Isi caran Sesanpa papänin. Sesán caran Ahlaipa papänin.

³²Samaipa wauguin Jadapa wamrancuna caran: Jeter, Jonatán. Jeterga wañuran manaraj wamran captin.

³³Jonatanpa wamrancuna caran: Peletwan Zaza. Chaycunami caran Jerameelpita mirajcuna.

³⁴Sesanpaga ollgu wamrancuna mana caranchu. Warmilla wamrancuna caran. Ichanga Sesanpa uywaynin caran Egipto runa Jarha.

³⁵Chay uywaynin runawanmi juc wamranta majacharan. Chaura chaypanami wamran caran ollgu. Jutin caran Atai.

³⁶Atai caran Natanpa papänin. Natán caran Zabadpa papänin.

³⁷Zabad caran Eflalpa papänin. Eflal caran Obedpa papänin.

³⁸Obed caran Jehüpa papänin. Jehú caran Azariaspa papänin.

³⁹Azarías caran Helespa papänin. Heles caran Elasapa papänin.

⁴⁰Elasa caran Sismaipa papänin. Sismai caran Salumpa papänin.

⁴¹Salum caran Jecamiaspa papänin. Jecamiasna caran Elisamapa papänin.

⁴²Jerameelpa wauguin Calebpa guechpan caran Mesá. Paymi caran Zifpa papänin. Mesäpa shullcanna caran Maresa. Paynami caran Hebronpa papänin.

⁴³Hebronpa wamrancuna caran: Coré, Tapúa, Requem, Sema.

⁴⁴Sema caran Rahampa papänin. Raham caran Jorcoampa papänin. Requemna caran Samaipa papänin.

⁴⁵Samai caran Maonpa papänin. Maón caran Bet-surpa papänin.

⁴⁶Calebpa chïnan caran Efa. Paymi maman caran: Haranpa, Mosapa, Gazezpa. Haranmi caran Gazezpa papänin.

⁴⁷Jahdaipa wamrancuna caran: Regem, Jotam, Gesán, Pelet, Efa, Saaf.

⁴⁸Calebpa jucaj chïnanpa jutin caran Maaca. Paymi maman caran: Seberpa Tirhanapa.

⁴⁹Maacami maman caran Saafpawan Sevapa. Saafpa wamran caran Madmana. Sevapa wamrancuna caran: Macbena, Gibea. Calebpaga Acsa japallan caran warmi wamran.

⁵⁰Chaycunami caran Calebpita mirajcuna. Calebpa warmin Efratacho yurej guechpa wamran Hur. Hurpa wamrancuna caran: Quiriat-jearimta jatarachej Sobal,

⁵¹Belenta jatarachej Salma, Bet-gaderta jatarachej Haref.

⁵²Sobalpa wamrancuna caran: Reaía. Pay castami caran pullan Manahet runacunaga.

⁵³Quiriat-jearim runacuna caran: Itri castacuna, Fut castacuna, Sumat castacuna, Misraí castacuna. Chaypita mirajcunallami caycan Zora castacunawan Estaol castacuna.

⁵⁴Salmapa wamrancuna caran: Belén, Netofa castacuna, Atrot-bet-joab, pullan caj Manahet castacuna, Zoraí castacuna.

⁵⁵Jabescho tiyaj yachajcuna caran Tirat castacuna, Simeat castacuna, Sucat castacuna. Paycunami caran Queni runacuna. Paycunaga caran Bet-recabpa papänin Hamatpita mirajmi.