Read Tayta Diosninchi Isquirbichishan Salmos 103 Bible Online

Salmos 103 - Tayta Diosninchi Isquirbichishan bible

Salmos 103

¹David isquirbishan alabansa. Almantïmi TAYTA DIOSTA alabashaj. Llapan shongöpami alabashaj.

²Almantïmi TAYTA DIOSTA alabashaj. Yanapämashancunataga manami gongächu.

³Paymi perdunaman llapan mana allita rurashäcunapita. Allchacächiman ima gueshyäcunapitapis.

⁴Paymi salbaman wañuyman chayanäpita. Tayta Diosmi cuyaman, alli ricaman.

⁵Paymi cushicachiman llapan allicunata tarichimashpan. Mösuyächiman anca pillichacojtanöpis.

⁶TAYTA DIOSMI allita ruräga. Ñacaycajcunataga Paymi alli arriglan.

⁷Tayta Diosga imano yarpaycashantapis Moisestami willaparan. Moisesnami llapan Israelcunata tantiyachiran Tayta Dios llapantapis rurashanta.

⁸TAYTA DIOSGA cuyapäcojmi alli shongumi. Payga juclla mana rabyacoj, amatar cuyacojmi.

⁹Manami waran-waranchu piñacamanchi. Manami para-simrichu rabyashapis cacun.

¹⁰Manami castigamanchïchu juchata rurashanchïmannöga, mana allita rurashanchïmannöpis.

¹¹Payta rispitajcunataga fiyupami cuyan. Syëlu may-may altu cashannömi pay cuyapäcoj cashanga.

¹²Inti yagamunanpita inti yagananga fiyupa caruchömi caycan. Chaynömi noganchïpitapis juchanchïcunataga caruman jitarisha.

¹³Juc runa wamranta alli ricashannömi TAYTA DIOSPIS Payta rispitajcunataga alli ricamanchi.

¹⁴Payga musyanmi imapita rurasha caycashanchïtapis. Musyanmi allpallapita cashanchïtapis.

¹⁵Runaga guewanöllami cawan. Yurin jircacho wiñamoj waytanöllami.

¹⁶Illajpita wayra magariptin illgacäcun. Chaura pipis mananami ricannachu.

¹⁷TAYTA DIOSMI ichanga imaycamapis cuyan payta wiyacojcunataga. Alli caynenga ayca miraycamapis chaynöllami.

¹⁸Tayta Diosga allimi rican parlacushanta cumlejcunata, mandamintuncunata mana gongajcunata.

¹⁹TAYTA DIOSPA jamananga caycan syëluchömi. Payga intërutami mandaycan.

²⁰TAYTA DIOSTA alabay-llapa munayniyoj anjilcuna. Gamcunaga Pay nishantami cumlinqui. Ruranayquipaj nishushayquitapis ruranquimi.

²¹TAYTA DIOSTA alabay-llapa syëlucho sirbiycajcuna, Pay munashanno rurarcaycajcuna.

²²TAYTA DIOSTA alabay-llapa pay camashan cäga maychöpis pay mandashan cajchöga. Nogapis llapan shongöpami TAYTA DIOSTA alabashaj.