Read Tayta Diosninchi Isquirbichishan Salmos 108 Bible Online

Salmos 108 - Tayta Diosninchi Isquirbichishan bible

Salmos 108

¹David isquirbishan alabansa. Tayta Dios, shongöga ashac-ashacllami caycan gamta imnucunawan alabanäpaj.

²Arpa ricchay ari. Arpa-mallwapis ricchay ari. Intitapis ricchachishänami.

³TAYTA DIOS, llapan runacunapa ñaupanchömi alabashayqui.

⁴Tayta Dios cuyacoj cashayquega syëlucamami aypan. Alli cumlej cashayquega asulyaraycaj pachacamami chayan.

⁵Tayta Dios, gamga janaj syëluchöpis llapanpämi munayniyoj caycanqui. Cay pachapis intërumi munaynillayquicho caycan.

⁶¡Cananga Tayta Dios munayniquiwan salbamay ari! ¡Cuyashayqui runacunata salbaycuy ari! ¡Wiyaycamay ari!

⁷Tayta Dios Templuyquicho caycarmi aunimarayqui cayno nir: «¡Ima cushisharaj raquipäshaj Shequemta! ¡Ima cushisharaj partipäshaj Sucot pampatapis!

⁸Galaadwan Manasesga nogapami. Efrainga acrashä runacunata chapänanpaj caycan umäta chapämaj cascönömi. Judäga caycan acrashä runacunata mandananpaj ray tiyananmi.

⁹Moabga sirbimänanpaj carmi mayllacunä labaturyuno. Edomnami llanguëta purichej uywaynëno canga. ¡Filistea runacunata binsiycurnami cushicuypita gaparäshaj!» nir.

¹⁰Ichanga ¿piraj pushamanman intërunpa curalasha caycaj siudäman? ¿Piraj pushar chayachimanman Edomcama?

¹¹Tayta Dios gamga nogacunapita witicurishcanquinami. ¡Cananga mananami suldäröcunapa ñaupanta aywanquinachu!

¹²Yanapämay ari chiquimajcunata binsinäpaj. Runaga yangallami yanapämanpis.

¹³Tayta Dios yanapämashaga binsishunmi. ¡Chiquimajninchïcunatapis paymi lluchcargärenga!