Read Tayta Diosninchi Isquirbichishan Salmos 112 Bible Online

Salmos 112 - Tayta Diosninchi Isquirbichishan bible

Salmos 112

¹¡Aleluya! ¡TAYTA DIOSGA alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

²Alli runapita mirajcunami cay pachachöga munayniyoj canga. Alli runacunapita mirajcunaga bindisyuntami chasquenga.

³Wasincho ima-aycancunapis manami pishengachu. Pï-maypäpis allimi canga.

⁴Alli runacunapäga chacajcho caycaptinmi achqui yurircusha. Tayta Diosga alli shongumi, cuyapäcojmi, allillata rurajmi.

⁵Alli runaga pitapis macyaycunmi. «Ristamay» niptinpis ristaycunmi. Nigusyutapis mana engañaypami arun.

⁶Chaynöpami mana alliman mana chayanchu. Alli runataga imaypis yarparaycangami.

⁷Mana alli willapacunata wiyarpis manami manchacunchu. Alli runaga mana cachaypami TAYTA DIOSLLAMAN yäracuycan.

⁸Manami imapitapis yarpachacunchu, ni manchacunpischu. Payta chiquejcuna mana alliman chayajtapis ricangarämi.

⁹Pobricunata yanaparga achca achcami imatapis goycun. Pï-maypäpis allimi canga. Pï-maypitapis rispitashami goyanga.

¹⁰Chayta ricar fiyu runaga fiyupa rabyarmi chiquicurcun. Rabyawan quiruncunatapis uchongarämi. Fiyu runacuna yarpashanga manami camacangachu.