Read Tayta Diosninchi Isquirbichishan Salmos 25 Bible Online

Salmos 25 - Tayta Diosninchi Isquirbichishan bible

Salmos 25

¹David isquirbishan alabansa. TAYTA DIOS, gammanmi mañacamö.

²Tayta Dios gammanmi yäracamö. Pengaycho canätaga ama camacächiychu. Chiquimajcunapis ama cushipämächunchu.

³Gamman yäracamoj cäga ama pipis pengaychöga cachunchu. Pengaychöga cachun mana ashipaycaptiqui contrayqui jatarejcuna.

⁴TAYTA DIOS, näniquita ricachimay. Ruranäta munashayquino yachachimay.

⁵Yachachimay ricachimay rasun cajta. Gamllami canqui Salbamaj Tayta Diosnëga. Imay örapis gamllamanmi yäracaycämö.

⁶TAYTA DIOS, para-simri cuyapäcoj cashayquita, alli cashayquita yarpaycuy ari.

⁷Jucha rurashäcunata ichanga ama yarpaycuychu. Mösu car mana allita rurashäta gongaycuyna. TAYTA DIOS, fiyupa cuyapäcoj alli car yarpaycamay ari.

⁸TAYTA DIOSGA allimi y juchaynajmi. Chaymi juchayojcunataga alli nänita ricachenga.

⁹Umildicunataga tantiyachinmi. Allillata rurananpämi yachachin.

¹⁰TAYTA DIOSGA mandamintuncunata cumlejcunata cuyapanmi, aunishantapis cumlinmi.

¹¹TAYTA DIOS nogapa juchäga aypallami. Gam alli cashayquita parlananpaj perdunaycamay ari.

¹²TAYTA DIOSGA payta rispitaj runata quiquinmi yachachin imano cawananpäpis.

¹³Chaura cay bïdachöpis juc bïdachöpis allillami goyanga. Wamrancunanami chacranwanpis quëdanga.

¹⁴TAYTA DIOSGA rispitajcunapa amïgunmi. Parlacur aunishantapis musyachinmi.

¹⁵Imay örapis TAYTA DIOSLLAMANMI yäracuycä ima mana allicunapitapis chapämaj captin.

¹⁶Tayta Dios, cuyapaycamay ari. Japallämi y llaquishami caycä.

¹⁷Shongöga masta mastami ushaycan. Mana llaquicunäpaj yanapämay ari.

¹⁸Masqui ricäramaypis. Fiyupa llaquishami caycä. Juchäcunapita perdunaycamay ari.

¹⁹Masqui ricäriypis, imano aypallashi carcaycan chiquimajcunaga. Fiyupa chiquimarmi wañuchimayta yarparcaycan.

²⁰Paycunapitaga salbaycamay ari. Ama camacaycachiychu pengaycho canätaga. Gamman yäracaycämuptëga ama camacaycachiychu wañuchimänanta.

²¹Nogaga gamllamanmi yäracamö. Allillata ruranäpaj tantiyaycachimay ari.

²²Tayta Dios, Israelcunataga llapan llaquicuycashanpita salbaycuy ari.