Read Tayta Diosninchi Isquirbichishan Salmos 26 Bible Online

Salmos 26 - Tayta Diosninchi Isquirbichishan bible

Salmos 26

¹David isquirbishan alabansa. TAYTA DIOS, imano cashätapis gamga musyaycanquimi. Nogaga imaypis alli cajllatami ruraycä. Mana cachaypa gamllamanmi yäracaycämö.

²Imano cashätapis ricaycamay. Imano yarpaycashäta, shongullächo imata yarpaycashätapis ricaycamay.

³Gam cuyapäcoj cashayquitaga rasunpami musyä. Chaymi munashayquinölla cawä.

⁴Llullacunawanga imaypis manami goturashcächu. Janan shongu parlajcunawanpis manami goturashcächu.

⁵Fiyu runacuna goturpaycajtaga chiquëmi. Fiyucunawanga manami goturashcäpischu.

⁶Maquëpis limyuna caycaptinnaga, juchäpitapis limyuna caycarga altarniquipa ñaupanmanmi chayayta munä.

⁷Chaychömi alabansacunata cantashaj. Fiyupa almiraypajcunata rurashayquitapis willacushaj.

⁸TAYTA DIOS, tiyashayqui Wasitami cuyä. Chay Wasichömi munayniqui caycan.

⁹Juchasapacunatanöga ama ruramaychu. Wañuchicojcunatanöga ama castigamaychu.

¹⁰Paycunaga mana allillatami ruran, saynitami chasquin.

¹¹Nogami ichanga imaypis alli cajllata ruraycä. Cuyapämashpayqui salbaycamay ari.

¹²Chaquëga manami imaypis llutanmanga lluchcangachu. Nogaga mana cachaycuypa alli nänillapami puriycä. TAYTA DIOSTAGA acrashan runacunapa ñaupanchömi alabashaj.