Read Tayta Diosninchi Isquirbichishan Salmos 5 Bible Online

Salmos 5 - Tayta Diosninchi Isquirbichishan bible

Salmos 5

¹Cay salmutaga David camacächiran quënawan cantananpaj. TAYTA DIOS, mañacamushäta wiyaycamay ari. Llaquicur mañacamushäta wiyaycamay ari.

²Raynë, Tayta Diosnë, ruwacaycämushäta wiyaycullay. Gamtachaj mañacaycämö ari.

³Tutallapita-pachami busnëta wiyaycanqui. Chaca-chacallanami ruwacaycämö. Cananga shuyaraycä yanapämänayquipämi.

⁴Tayta Dios, runacuna mana allita ruraptin gamga manami cushicunquichu. Juchasapacunaga manami ñaupayquimanpis chayangapächu.

⁵Alli-tucojcunaga manami ñaupayquimanpis chayamongachu. Gamga chiquinquimi mana allita rurajcunataga.

⁶Illgächinquimi llullacunataga. Melanäcunquimi wañuchicojcunatawan mana allita rurajcunataga.

⁷Nogami ichanga gam cuyacoj cayniquipa Wasiquimanpis yaycö. Rispitädu Templuyquichöpis gongurpacuycur gamta adurä.

⁸Tayta Dios, allillapa pushamay ari alli shongu cashayquimanno. Man'chäga chiquimajcunami mana allita ruramanga. Munashayquino cawanäpaj yanapaycamay ari.

⁹Fiyu runacunaga manami imaypis rasun cajtaga rimanchu. Shongunchöpis mana alli yarpaycunallami. Shiminpis sepultüra quicharishanömi caycan. Alli-tucullarmi parlan.

¹⁰¡Paycunataga castigaycuy ari Tayta Dios! ¡Jucpaj mana allita yarpashancunaga quiquinman chayachun! Paycunaga gampa contrayquimi ricacusha. Jitariyna fiyupa juchata rurashanpita.

¹¹Gamman yäracamojcuna ichanga cushicuchun. Cushicuypita imay örapis cantachun. Gammi paycunataga imapitapis chapaycanqui. Gamta cuyashoj cajcunaga gampämi cushicun.

¹²TAYTA DIOS munashayquita rurajcunataga bindisyuntami gonqui. Cuyapäcoj cashpayquimi chapacuna escüduno imapitapis chapanqui.