Read Tayta Diosninchi Isquirbichishan Isaías 26 Bible Online

Isaías 26 - Tayta Diosninchi Isquirbichishan bible

Isaías 26

¹Chay junäga cay alabansatami Judá nasyun runacuna cantangapaj: «Noganchïpa siudäninchëga sumaj curalashami. Tayta Diosga salbamänanchïpaj rurasha ishcay ayway pergatami.

²Siudäpa puncunta quichay-llapa. Chaypami yaycamonga Tayta Diosta wiyacoj runacuna, payman yäracoj runacuna.

³Tayta Dios, gamllaman yarparajcunataga gamllaman yäracamojcunataga allimi goyächinquipaj.

⁴Imaypis TAYTA DIOSLLAMAN yäracuy-llapa. Payga mana ushacaj gaganömi.

⁵Paymi mana alliman chayachin alli-tucojcunataga. Munayniyoj caycaj siudätapis allpawan llapan tacucänanpaj juchurachin. Chay siudäpa pergancunapis juchucäcun.

⁶Chauraga chay jananpami purenga pobricunapis, umildicunapis.»

⁷Tayta Dios gammi camacächinqui wiyacushoj runa allilla purinanpaj.

⁸TAYTA DIOS, mandamintuyquicunata cumlishpä nogacunapis cushishami goyarcaycä. TAYTA DIOS, nogacunaga llapanë gamllamanmi yarparaycämö.

⁹Chacaycunapapis gamllamanmi yarparaycä. Llapan shongöpami gamta ashiycä. Cay pachacho caj runacunata llapanta jusgaptiquirämi yachaconga allita rurayta.

¹⁰Fiyu runacunata may-jina cuyapaptiquipis paycunaga manami yachacongapächu alli cajta rurayta. Paycunaga alli runacunapa ñaupancho tiyaycarpis mana allillatami ruran. Paycunaga manami manchacushunquichu fiyupa munayniyoj TAYTA DIOS captiquipis.

¹¹TAYTA DIOS castiganayquipäga maynami camarisha caycanqui. Ichanga chay runacuna manami tantiyacunchu. Acrashayqui runacunata fiyupa cuyashayquita ricashpanrämi pengaycho ricacongapaj. ¡Chay runacunataga rabyasha caycashayqui ninano usharichun!

¹²TAYTA DIOS, gammi nogacunataga alli goyänäpaj yanapaycämanqui. Gammi camacaycächinqui llapan rurashäcunatapis.

¹³TAYTA DIOS, juc mandajcunami nogacunataga munaynincho charämasha. Ichanga gamllami Tayta Diosnë canqui.

¹⁴Chay mandajcunaga wañushanami. Manami cawarimongapänachu. Paycunaga llantuynöllami casha. Mananami jatarimonganapischu. Castigashpayqui maynami llapanta illgarachishcanqui. Paycunata pipis mana yarpänanpämi illgarachishcanqui.

¹⁵TAYTA DIOS gammi runacunata achcayächir nasyunnëta jatunyächishcanqui. Gam rispitasha canayquipämi chayno camacächishcanqui. Nasyunpa lindancunata mas carumanna witichishcanqui.

¹⁶TAYTA DIOS paycunaga llaquicushpan gamtami ashishurayqui. Castigaptiqui paycunaga mañacushurayqui.

¹⁷TAYTA DIOS, gampa ñaupayquicho caycaräcuna, imanömi gueshyaj warmi gueshyacunan öra milluycachar nanaywan gaparan, chayno.

¹⁸Rasunpa gueshyacojnömi cashcäcuna. Au, rasunpami nogacunaga nanächicushcä gueshyacuycaj warminöpis. Ichanga wayrata gueshyacuycajnömi nogacunaga cashcä. Manami cay pachacho pitapis salbananpächu yuripacushcä. Cay pachacho tiyananpäga manami pitapis gueshyacushcächu.

¹⁹Gamman yäracamoj runacunaga cawarimongami. Allpacho pamparaycajcunami cawarimonga. Nircorga cushicuyllawanmi gaparpangaraj. Llapan guewacunata shullay wiñachir yagarichimushannömi llapan wañushacunatapis cawarachimunquipaj.

²⁰Marca-masëcuna wasiquiman yaycur puncuyquita wichgacarcäramuy. Tayta Dios rabyasha caycashanpita allchacänancama rätullapis pacacuycuy-llapa.

²¹Tiyananpitami TAYTA DIOSGA shamoj-aywan cay pachacho tiyajcunata juchanpita castigananpaj. Runa wañuchishan wañojcunata allpaga manami pacanganachu. Chaypa ruquin llapantami allpa ricacächenga.