Read Tayta Diosninchi Isquirbichishan Números 26 Bible Online

Números 26 - Tayta Diosninchi Isquirbichishan bible

Números 26

¹Fiyupa wañuchicoj gueshya cashanpitaraj TAYTA DIOSGA Moisesta, cüra Aaronpa wamran Eleazarta niran:

²«Llapan Israelcunata sinsuy, castanpa-cama shuyni-cama juctapis mana cachaypa ishcay chunca watayojpita janaman guërrapaj alli cajllata.»

³Chaura Eleazarwan Moisesga Moab ragra aywaj pampacho llapan Israelcunata willaparan. Chay pampaga caycan Jericöpa chimpan Jordán mayupa jucaj lädunpami.

⁴Willaparan ishcay chunca watayojpita janaman cäga Moisesta TAYTA DIOS nishanno llapan sinsucunanpaj. Egiptupita llojshicamoj Israelcunaga caran caycunami:

⁵Israelpa mayur wamran Rubenpita mirajcunaga caran: Enoc casta, Falú casta,

⁶Hezrón casta, Carmi casta runacuna.

⁷Sinsuptin Rubén trïbu runacunaga caran chuscu chunca quimsa waranga ganchis pachac quimsa chuncan (43,730).

⁸Falüpa wamran caran Eliab.

⁹Eliabpana wamrancuna caran: Nemuel, Datán, Abiram. Datanwan Abiramga Corëwan shuntacaycur Moisespa, Aaronpa, TAYTA DIOSPA contran jatariran. Paycunaga mayur tantiyachej runacunami caran.

¹⁰Chayno contran jatarishanpitami pachapa shimin quichacar Datanta, Abiramta, Corëtawan micucurcuran. Contran ricacoj cäga llapan wañuran. Ninana rupar ushacurcuran ishcay pachac pichga chuncan (250) runacunata. Chay runacuna wañuran waquin Israelcunapis ricacunanpämi.

¹¹Chayno Coré wañuptinpis wamrancunaga manami wañuranchu.

¹²Simeón trïbu runacuna caran: Nemuel, Jamín, Jaquín,

¹³Zera, Saúl casta runacuna.

¹⁴Sinsuptin Simeón trïbu runacuna caran ishcay chunca ishcay waranga ishcay pachacnin (22,200).

¹⁵Gad trïbu cajna caran Zefón, Hagui, Suni,

¹⁶Ozni, Eri, Arod, Areli casta runacuna.

¹⁷

¹⁸Sinsuptin Gad trïbu runacuna caran chuscu chunca waranga pichga pachacnin (40,500).

¹⁹Judäpa wamrancuna Erwan Onanga Canaán nasyunllachönami mas unay wañuran.

²⁰Chaura Judá trïbu runacunaga caran Sela, Fares, Zera castacuna.

²¹Farespita mirajcunaga caran Hezrón, Hamul casta runacuna.

²²Sinsuptin Judá trïbu runacuna caran ganchis chunca sojta waranga pichga pachacnin (76,500).

²³Isacarpita mirajcuna caran Tola, Fúa,

²⁴Jasub, Simrón casta runacuna.

²⁵Sinsuptin Isacar trïbu runacuna caran sojta chunca chuscu waranga quimsa pachacnin (64,300).

²⁶Zabulonpita mirajcuna caran Sered, Elón, Jahleel casta runacuna.

²⁷Sinsuptin Zabulón trïbu runacuna caran sojta chunca waranga pichga pachacnin (60,500).

²⁸Josëpita mirajcuna caran Manasés trïbu runacuna, Efraín trïbu runacuna.

²⁹Manasespita mirajcuna caran Maquir casta, Maquir castapitana Galaad casta,

³⁰Galaadpita mirajcuna Jezer casta, Helec casta,

³¹Asriel casta, Shequem casta,

³²Semida casta, Hefer casta.

³³Heferpa wamranna caran Zelofehad. Paypaga manami caranchu ollgu wamrancuna. Warmilla wamrancuna caran. Jutin caran: Maala, Noa, Hogla, Milca, Tirsa.

³⁴Sinsuptin Manasés trïbu runacuna caran pichga chunca ishcay waranga ganchis pachacnin (52,700).

³⁵Efrainpita mirajcunaga caran Sutela casta, Bequer casta, Tahán casta runacuna.

³⁶Sutelapita mirajcuna caran Erán casta runacuna.

³⁷Sinsuptin Efrainpita mirajcuna caran quimsa chunca ishcay waranga pichga pachacnin (32,500) runacuna. Chaynömi Josëpita mirajcunaga cada casta caran.

³⁸Benjaminpita mirajcuna caran Bela, Asbel, Ahiram,

³⁹Sefufam, Hufam castacuna.

⁴⁰Bela casta runacuna caran: Ard, Naamán castacuna.

⁴¹Sinsuptin Benjamín trïbu runacuna caran chuscu chunca pichga waranga sojta pachacnin (45,600).

⁴²Danpita mirajcuna caran Súham casta.

⁴³Sinsuptin Súham casta caran sojta chunca chuscu waranga chuscu pachacnin (64,400).

⁴⁴Aserpita mirajcuna caran Imna, Isúi, Bería castacuna.

⁴⁵Bería castapita mirajna caran Heber, Malquiel casta runacuna.

⁴⁶Aserpa warmi wamranpa jutin caran Sera.

⁴⁷Sinsuptin Aser trïbu runacuna caran pichga chunca quimsa waranga chuscu pachacnin (53,400).

⁴⁸Neftalïpita mirajcuna caran Jahzeel, Guni,

⁴⁹Jezer, Silem casta runacuna.

⁵⁰Sinsuptin Neftalí trïbu runacuna caran chuscu chunca pichga waranga chuscu pachacnin (45,400).

⁵¹Sinsuyta ushaycur yupaptin Israel trïbu runacuna caran sojta pachac juc warangan ganchis pachac quimsa chuncan (601,730).

⁵²Moisesta TAYTA DIOS niran:

⁵³«Sinsuptiqui cada trïbu aycapis cashan-tupu chacrataga raquipanqui.

⁵⁴Achca runacuna captin mas jatunta raquipanqui. Wallca runacuna captenga tacshata raquipanqui. Cada trïbuta raquipanqui sinsucho apuntacushanman-tupu.

⁵⁵Maycho chacran cananpäpis chacrataga surtiyaypa raquipanqui. Runacunaga chacrata chasquenga taytan maygan trïbupis cashanchömi.

⁵⁶Chacrataga achcaj captinpis wallcaj captinpis surtiyarcur surtiyarcurmi raquipanqui.»

⁵⁷Leví trïbuta sinsur yuparan Gersón, Coat, Merari castacunata.

⁵⁸Levïpita mirajcunallami caran Libni, Hebrón, Mahli, Musi, Coré castacunaga. Coatpa wamranmi caran Amram.

⁵⁹Amram majachacaran Jocabedwan. Jocabedpis Leví trïbu warmimi caran. Payga Egiptuchömi yuriran. Amrampawan Jocabedpa wamranmi caran Aarón, Moisés, María.

⁶⁰Aaronpa wamrancunana caran Nadab, Abiú, Eleazar, Itamar.

⁶¹Nadabwan Abiüga wañuran TAYTA DIOSPAJ juc-niraj saumachishanpitami.

⁶²Leví trïbu runacunaga juc quillayojpita janaman caran ishcay chunca quimsa warangan (23,000). Paycunataga manami sinsuranchu Israelcunata sinsur. Leví trïbutaga manami chacratapis raquiparanchu.

⁶³Moiseswan cüra Eleazar sinsuptin Israel runacunaga caycaran Moab pampachömi. Moab pampaga Jericöpa chimpan Jordán mayupa jucaj lädunpami caycan.

⁶⁴Aaronwan Moisés chunyaj Sinaïcho sinsushan runacunaga manami ni jucnayllapis carannachu.

⁶⁵Chunyaj Sinaí jircacho sinsushan runacunaga TAYTA DIOS nishannöllami chunyajcho llapanpis wañur ushacaran. Chaymi mayganpis mana carannachu guepa caj sinsucuypäga. Jefonepa wamran Calebwan Nunpa wamran Josuëllanami cawaycaran.