Read Tayta Diosninchi Isquirbichishan Números 30 Bible Online

Números 30 - Tayta Diosninchi Isquirbichishan bible

Números 30

¹Israel trïbucunapa mandajnincunata shuntaycur Moisesga niran: «TAYTA DIOSMI nin:

²Pipis jurar imapäpis aunimarga cumlichun. Imata rurananpaj nimashantapis cumlichun.

³«Jipash papäninpa maquillanchöraj caycar nogata aunimashanta

⁴papänin musyar imatapis mana rimacuptenga aunimashanta imanöpapis cumlengana.

⁵Nogapaj imatapis aunishanta musyaycur papänin mana munaptenga aunishanta manami cumlenganachu. Papänin mana munaptenga nogapis manami cumlinanpaj obligashänachu.

⁶«Japallaraj caycar jipash sumaj mana yarpachacuypa nogata aunircamar majachacäcuptin

⁷aunimashanta musyaycar runan mana michaptenga aunishanta cumlengami.

⁸Nogapaj aunishanta musyaycur runan mana munaptinmi ichanga manana cumlenganachu. Nogapis manami cumlinanpaj obligashänachu.

⁹«Biyüda u raquicasha warmi aunimarga simri cumlinan.

¹⁰«Runayoj warmi imatapis aunimashanta

¹¹runan musyaycur mana michaptenga aunishanta cumlenga.

¹²Nogapaj aunishanta musyaycur runan mana munaptenga warmi mananami cumlenganachu. Runan mana munaptenga manami cumlinanpaj obligashänachu.

¹³Chaymi warmi imatapis auniptin u ayunananpaj auniptin runanraj nenga cumlinanpaj cashanta u mana cumlinanpaj cashantapis.

¹⁴Aunishanta musyaycur warminta mana imatapis niyllapa ishcay quimsa junaj upällalla cacushpanga warmin aunishanta auniycanmi.

¹⁵Chaypitaraj mana munashpanga runannami juchayoj canga warmin aunishancunata mana cumliptin.»

¹⁶Chaynömi Moisesta TAYTA DIOS willaparan majayoj warmi imano cananpaj, papäninpa maquillanchöraj caycaj jipash imano cananpäpis.