Read Tedim Chin PIANCILNA 36 Bible Online

PIANCILNA 36 - Tedim Chin bible

PIANCILNA 36

¹Hihte pen Esau (Edom) suanlekhakte ahi hi.

²Esau in Kanaan numeite zi-in la hi. Hit mi Elon’ tanu Adah, Hiv mi Zibeon’ tapa Anah’ tanu Oholibamah,

³le Nebaioth’ sanggamnu, Ishmael’ tanu Basemath ahi hi.

⁴Adah in Esau tawh Elifaz nei a, Basemath in Reuel nei hi.

⁵Oholibamah in Jeush, Jalam, le Korah nei hi. Hihte pen Kanaan gam sunga a neih Esau’ tapate ahi hi.

⁶Tua ciangin Esau in a zite, a tapate, a tanute, le ama innkuan sunga mi khempeuh; a bawngte, a ganhingte khempeuh; le Kanaan gam sunga a lam a neihsa khempeuh la-in a sanggampa Jakob kiang panin gamdang khatah paikhia hi.

⁷Bang hang hiam cih leh ten khop theih dingin amau’ neihsate tam lua a, a ganhingte uh hangin tawlkhat a omna uh leitang in amaute vak zo lo hi.

⁸Tua ahih ciangin Seir mualtung gamah Esau teng hi. Esau’ min dang khat pen Edom ahi hi.

⁹Hihte pen Seir mualtung gam a Edom mite’ pupi Esau’ suanlekhakte ahi hi.

¹⁰Esau’ tapate: Esau’ zi Adah’ tapa Elifaz, Esau’ zi Basemath’ tapa Reuel ahi hi.

¹¹Elifaz’ tapate: Teman, Omar, Zefo, Gatam, le Kenaz ahi hi.

¹²(Timna pen Esau’ tapa Elifaz’ zineu hi a, amah in Elifaz tawh Amalek nei hi.) Hihte pen Esau’ zi Adah’ tapate ahi hi.

¹³Reuel’ tapate: Nahath, Zerah, Shammah, le Mizzah ahi hi. Hihte pen Esau’ zi Basemath’ tapate ahi hi.

¹⁴Esau’ zi, Zibeon’ tapa Anah’ tanu Oholibamah tapate: Jeush, Jalam, le Korah ahi hi.

¹⁵Esau’ suante hih bang ahi hi. Esau’ ta masa Elifaz’ tate: Teman, Omar, Zefo, Kenaz,

¹⁶Korah, Gatam, le Amalek ahi hi. Hihte pen Edom gam sungah Elifaz’ suante hi a, Esau’ zi Adah’ sunga piangte ahi hi.

¹⁷Esau’ tapa Reuel’ tapate: Nahath, Zerah, Shammah, le Mizzah hi a, Edom gam sungah a om Reuel’ suante ahi hi. Amaute pen Esau’ zi Basemath’ sung panin a piangte ahi hi.

¹⁸Esau’ zi Oholibamah’ tapate: Jeush, Jalam, le Korah ahi hi. Hihte pen Esau’ zi, Anah’ tanu Oholibamah’ sung panin a piangte ahi hi.

¹⁹Hihte pen Esau (Edom) suante hi a, amaute’ sung pan beh lutangte ahi uh hi.

²⁰Tua gam a teng Hori mi Seir’ tapate: Lotan, Shobal, Zibeon, Anah,

²¹Dishon, Ezer, le Dishan hi a, Edom gam sunga Seir’ suante ahi Hori mite’ sung pan beh lutang ahi uh hi.

²²Lotan’ tapate: Hori le Heman ahi hi. Lotan’ sanggamnu Timna ahi hi.

²³Shobal’ tapate: Alvan, Manahath, Ebal, Shefo, le Onam ahi hi.

²⁴Zibeon’ tapate: Ai-ah le Anah ahi hi. Amah pen a pa Zibeon’ late a cin laitakin gamlakah a sa ciktui a mu pa Anah ahi hi.

²⁵Anah’ tate: Dishon le Anah’ tanu Oholibamah ahi hi.

²⁶Dishon’ tapate: Hemdan, Eshban, Ithran, le Kheran ahi hi.

²⁷Ezer’ tapate: Bilhan, Zaavan, le Akan ahi hi.

²⁸Dishan’ tapate: Uz le Aran ahi hi.

²⁹Hori mite’ beh lutangte: Lotan, Shobal, Zibeon, Anah,

³⁰Dishon, Ezer, le Dishan ahi hi. Hihte pen Seir gam sungah amau’ beh ciatin Hori mite’ sung pan beh lutang ahi uh hi.

³¹Hihte pen Israel mite tungah kumpi khat beek in a uk ma-in Edom gam sunga kumpite ahi hi.

³²Beor’ tapa Bela in Edom gam sung uk a, ama khuapi min Dinhabah ahi hi.

³³Bela si a, Bozrah khua mi Zerah’ tapa Jobab in ama tangin a uk hi.

³⁴Jobab si a, Teman mite’ gammi Husham in ama tangin a uk hi.

³⁵Husham si a, Moab gam sungah Midian mite a zo Bedad’ tapa Hadad in ama tangin uk a, ama khuapi min Avith ahi hi.

³⁶Hadad si a, Masrekah khua mi Samlah in ama tangin uk hi.

³⁷Samlah si a, Eufratis gun gei-a Rehoboth khua mi Shaul in ama tangin a uk hi.

³⁸Shaul si a, Akbor’ tapa Baalhanan in ama tangin a uk hi.

³⁹Akbor’ tapa Baalhanan si a, Hadar in ama tangin uk a, ama khuapi min Pau ahi hi. Ama zi’ min Mehetabel hi a, Mezahab’ tanu Matred, Matred tanu Mehetabel ahi hi.

⁴⁰Amau’ innkuan le a tenna, amau’ min tawh kizui-in, Esau’ suan sung pan minamte’ min: Timna, Alvah, Jetheth,

⁴¹Oholibamah, Elah, Pinon,

⁴²Kenaz, Teman, Mibzar,

⁴³Magdiel, le Iram ahi hi. Hihte in amau’ neih, amau’ tenna leitang min dingin amau’ min mah vawh pah uh a, Esau’ suan, Edom mi a kicite ahi uh hi.