Read Tedim Chin 1 KHANG TANGTHU MASATE 24 Bible Online

1 KHANG TANGTHU MASATE 24 - Tedim Chin bible

1 KHANG TANGTHU MASATE 24

¹Aaron’ suante a kisehkhennate hih bang ahi hi. Aaron’ tapate: Nadab, Abihu, Eleazar, le Ithamar ahi uh hi.

²Ahih hangin a pa uh a sih ma-in Nadab le Abihu si-in ta nei lo uh ahih manin Eleazar le Ithamar-te siampi suak uh hi.

³Eleazar’ suan Zadok, le Ithamar’ suan Ahimelek’ huhna tawh David in amau’ nasepna-ah a kiseh bangin Aaron’ suante a koih hi.

⁴Ithamar’ suante lak sangin Eleazar’ suante lakah ukpi tam omzaw ahih manin, amaute in Eleazar’ suante pawl sawm le guk suahin, Ithamar’ suante pawl giat suah uh hi.

⁵Eleazar’ suante le Ithamar’ suante lakah biakinn uliante le Pasian’ uliante om tuak uh ahih manin amaute in a kibangin aisanna tawh amaute koih uh hi.

⁶Tua ciangin Levi mi Nethanel’ tapa ahi lai-at pa Shemaiah in kumpipa, uliante, siampi Zadok, Abiathar’ tapa Ahimelek, siampite, le Levi mi beh lutangte’ omna-ah amaute ciamteh hi. Eleazar’ suante-a’ dingin khat kiteelin, tua ciangin Ithamar’ suante a dingin khat kiteel a, kilaihsak niloh uh hi.

⁷Aisanna a masa pen Jehoiarib tung, a nihna Jedaiah tung,

⁸a thumna Harim tung, a lina Seorim tung,

⁹a ngana Malkhijah tung, a gukna Mijamin tung,

¹⁰a sagihna Hakkoz tung, a giatna Abijah tung,

¹¹a kuana Jeshua tung, a sawmna Shekaniah tung,

¹²a sawm le khatna Eliashib tung, a sawm le nihna Jakim tung,

¹³a sawm le thumna Huppah tung, a sawm le lina Jeshebeab tung,

¹⁴a sawm le ngana Bilgah tung, a sawm le gukna Immer tung,

¹⁵a sawm le sagihna Hezir tung, a sawm le giatna Happizzez tung,

¹⁶a sawm le kuana Pethahiah tung, a sawmnihna Jehezkel tung,

¹⁷a sawmnih le khatna Jakhin tung, a sawmnih le nihna Gamul tung,

¹⁸a sawmnih le thumna Delaiah tung, a sawmnih le lina Maaziah tungah a tu hi.

¹⁹Hihte in Israel TOPA Pasian in amah a thupiak bangin a pupi uh Aaron in amaute-a’ dingin a kipsaksa ngeina bangin TOPA’ biakinn sungah a pai dingin amau’ nasep uh ahi a kiseh nasep nei uh hi.

²⁰Tua ciangin Levi suante a omlaite lakah: Aram’ suante sung panin Shubael’ suante Jehdeiah ahi hi.

²¹Rehabiah’ suante sung panin Isshiah a ukpi ahi hi.

²²Izhar’ suante sung panin Shelomoth’ suante Jahath ahi hi.

²³Hebron’ suante lakah: Jeriah a ukpi, Amariah a nihna, Jahaziel a thumna, Jekameam a lina ahi hi.

²⁴Uzziel’ suante sung panin Mikah’ suante Shamir ahi hi.

²⁵Isshiah’ suante sung panin Zekhariah ahi hi. Mikah’ sanggampa pen Isshiah ahi hi.

²⁶Merari’ suante: Mahli, Mushi, le Jaaziah ahi hi.

²⁷Merari’ suante Jaaziah sung panin Beno, Shoham, Zakkur, le Ibri ahi hi.

²⁸Mahli in tapa nih, Eleazar le Kish nei hi. Eleazar in tapa nei lo a, Kish in Jerahmeel a kici tapa khat nei hi.

³⁰Mushi’ tapate: Mahli, Eder, le Jerimoth ahi uh hi. Hihte pen a beh tawh kizui-in Levi’ suante ahi uh hi.

³¹Hihte in zong a behte uh ahi Aaron’ suante mah bangin Kumpi David, Zadok, Ahimelek, siampite, le Levi mi beh lutangte’ muhna-ah beh lutangte le a nau pasalte khat ciat in a kibangin aisanna tawh nasep tavuan a la uh hi.