Read Tedim Chin EZRA 2 Bible Online

EZRA 2 - Tedim Chin bible

EZRA 2

¹Babylon kumpi Nebukhadnezzar in a zawhna gam panin Babylon-ah salin a lakte sung panin hih mite Jerusalem le Judah-ah a ciahkikte hi a, amau’ khua ciatah a ciah uh ahi hi.

²Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, le Baanah-te makai-in tua mite a ciahpih uh hi. Israel mi phazahte:

³Parosh suante - tulnih zakhat sawmsagih le nih ahi hi.

⁴Shefatiah suante - zathum sawmsagih le nih ahi hi.

⁵Arah suante - zasagih sawmsagih le nga ahi hi.

⁶Pahathmoab beh sung panin Jeshua le Joab suante - tulnih zagiat sawm le nih ahi hi.

⁷Elam suante - tulkhat zanih sawmnga le li ahi hi.

⁸Zattu suante - zakua sawmli le nga ahi hi.

⁹Zakkai suante - zasagih sawmguk ahi hi.

¹⁰Bani suante - zaguk sawmli le nih ahi hi.

¹¹Bebai suante - zaguk sawmnih le thum ahi hi.

¹²Azgad suante - tulkhat zanih sawmnih le nih ahi hi.

¹³Adonikam suante - zaguk sawmguk le guk ahi hi.

¹⁴Bigvai suante - tulnih sawmnga le guk ahi hi.

¹⁵Adin suante - zali sawmnga le li ahi hi.

¹⁶Ater a kici Hezekiah suante - sawmkua le giat ahi hi.

¹⁷Bezai suante - zathum sawmnih le thum ahi hi.

¹⁸Jorah suante - zakhat sawmnih le nih ahi hi.

¹⁹Hashum suante - zanih sawmnih le thum ahi hi.

²⁰Gibbar suante - sawmkua le nga ahi hi.

²¹Bethlehem khuami - zakhat sawmnih le thum ahi hi.

²²Netofah khuami - sawmnga le guk ahi hi.

²³Anathoth khuami - zakhat sawmnih le giat ahi hi.

²⁴Bethazmaveth khuami - sawmli le nih ahi hi.

²⁵Kiriathjearim khua, Khefirah khua, le Beeroth khuami - zasagih sawmli le thum ahi hi.

²⁶Ramah khua le Geba khuami - zaguk sawmnih le khat ahi hi.

²⁷Mikmash khuami - zakhat sawmnih le nih ahi hi.

²⁸Bethel khua le Ai khuami - zanih sawmnih le thum ahi hi.

²⁹Nebo khuami - sawmnga le nih ahi hi.

³⁰Magbish khuami - zakhat sawmnga le guk ahi hi.

³¹Elam adang khat suante - tulkhat zanih sawmnga le li ahi hi.

³²Harim suante - zathum sawmnih ahi hi.

³³Lod khua, Hadid khua, le Ono khuami - zasagih sawmnih le nga ahi hi.

³⁴Jerikho khuami - zathum sawmli le nga ahi hi.

³⁵Senaah gammi - tulthum zaguk sawmthum ahi uh hi.

³⁶Siampite sung panin: Jeshua-te beh panin Jedaiah suante - zakua sawmsagih le thum ahi hi.

³⁷Immer suante - tulkhat sawmnga le nih ahi hi.

³⁸Pashhur suante - tulkhat zanih sawmli le sagih ahi hi.

³⁹Harim suante - tulkhat sawm le sagih ahi uh hi.

⁴⁰Levi mite sung panin: Hodaviah-te beh panin Jeshua suante le Kadmiel suante - sawmsagih le li ahi hi.

⁴¹Lasate sung panin Asaf’ suante - zakhat sawmnih le giat ahi hi.

⁴²Kongcingte nam sung panin Shallum suante, Ater suante, Talmon suante, Akkub suante, Hatita suante, le Shobai suante, a vekpi-in - zakhat sawmthum le kua ahi hi.

⁴³Biakinn nasemte sung panin Ziha suante, Hasufa suante, Tabbaoth suante,

⁴⁴Keros suante, Siaha suante, Padon suante,

⁴⁵Lebanah suante, Hagabah suante, Akkub suante,

⁴⁶Hagab suante, Shamlai suante, Hanan suante,

⁴⁷Giddel suante, Gahar suante, Reaiah suante,

⁴⁸Rezin suante, Nekoda suante, Gazzam suante,

⁴⁹Uzza suante, Paseah suante, Besai suante,

⁵⁰Asnah suante, Meunim suante, Nefisim suante,

⁵¹Bakbuk suante, Hakufa suante, Harhur suante,

⁵²Bazluth suante, Mehida suante, Harsha suante,

⁵³Barkos suante, Sisera suante, Temah suante,

⁵⁴Neziah suante, le Hatifa suante ahi uh hi.

⁵⁵Solomon’ nasemte nam sung panin: Sotai suante, Hassofereth suante, Peruda suante,

⁵⁶Jaalah suante, Darkon suante, Giddel suante,

⁵⁷Shefatiah suante, Hattil suante, Pokherethhazzebaim suante, le Ami suante ahi uh hi.

⁵⁸Biakinn nasemte khempeuh le Solomon’ nasemte’ suanlekhak khempeuh a vekpi-in zathum sawmkua le nih a pha uh hi.

⁵⁹Temelah, Teharsha, Kherub, Addan, le Immer khuate panin a hong ciahkik, Israel mi hinapi-in amau’ behlephung a kan thei lo mite:

⁶⁰Delaiah suante, Tobiah suante, le Nekoda suante, mi zaguk sawmnga le nih ahi uh hi.

⁶¹Siampite sung panin zong: Habaiah suante, Hakkoz suante, le Barzillai suante (amah in Gilead mi Barzillai tanute khat tenpihin tua min tawh a kilo pah) ahi uh hi.

⁶²Hih mite in khang kiciamtehna-ah amau’ min a zon uh hangin amau’ min na om lo ahih manin amaute a siang loin seh uh a, siampi nasep semsak thei lo uh hi.

⁶³Urim le Thummim aisanna tawh ai a san ding siampi khat a om mateng amaute in biakna an siangpente a nek loh nading uh gam ukpa in a gen hi.

⁶⁴Mi a vekpi - tul sawmli le tulnih le zathum sawmguk pha uh a,

⁶⁵amaute’ nasem numei le pasal mihing - tulsagih le zathum sawmthum le sagihte kisim lo hi. Amaute in lasa numei le pasal mihing zanih nei uh hi.

⁶⁶Amau’ sakolte - zasagih sawmthum le guk, amau’ la-sakol - zanih sawmli le nga,

⁶⁷amau’ kalaoh - zali sawmthum le nga, le a la uh - tulguk zasagih le sawmnih pha hi.

⁶⁸Amaute Jerusalem-a TOPA’ biakinn a tun uh ciangin Pasian’ biakinn ama mun ngei-ah lamkik nadingin innkuan lutangte pawlkhat in Pasian’ biakinn a dingin piakna bawl uh hi.

⁶⁹Amaute in a hih zawhna zah uh tawh kizui-in tua nasep nadingin vanmanpha koihna-ah kham darik tul sawmguk le tulkhat, ngun mina tulnga, le siampipuan zakhat a pia uh hi.

⁷⁰Siampite, Levi mite, le mi pawlkhatte Jerusalem le a kiim nai-ah teng uh hi. Lasate, kongcingte, biakinn nasemte, le Israel mi khempeuh amau’ khuapi ciatah a teng uh hi.