Read Tedim Chin NEHEMIAH 11 Bible Online

NEHEMIAH 11 - Tedim Chin bible

NEHEMIAH 11

¹Tua ciangin Jerusalem-ah mi makaite teng uh hi. Tua lo midang teng, amau’ lak pan mi sawm-ah-khat, khuapi siangtho Jerusalem-ah a teng ding aisanna tawh kiteel uh a, a omlai mi sawmah kuate ahihleh khuapi dangte-ah om uh hi.

²Tua hi a, sawl lohin, Jerusalem-ah amau’ thu-in a tengtawm nuam khempeuhte mipi in pakta uh hi.

³Hih a nuai-ate pen Jerusalem-a a teng a uksawn ukpite ahi uh hi. Ahi zongin Judah khuapi dangte-ah Israel midangte, siampite, Levi mite, biakinn nasemte, le Solomon’ nasemte’ suanlekhakte teng uh a, amau’ neihsa, amau’ khuapi ciatah teng uh hi.

⁴Judah minam le Benjamin minam sung panin mi pawlkhat zong Jerusalem-ah teng uh hi. Perez’ suan Mahalalel, a tapa Shefatiah, a tapa Amariah, a tapa Zekhariah, a tapa Uzziah, a tapa Athaiah’ suante,

⁵le Shelah’ suan Zekhariah, a tapa Joiarib, a tapa Adaiah, a tapa Hazaiah, a tapa Kolhozeh, a tapa Baruk, a tapa Maaseiah’ suante ahi uh hi.

⁶Jerusalem-ah a teng Perez’ suante khempeuh galhang mi zali sawmguk le giat a pha uh hi.

⁷Jeshaiah’ tapa Ithiel, a tapa Maaseiah, a tapa Kolaiah, a tapa Pedaiah, a tapa Joed, a tapa Meshullam, a tapa Sallu’ suante,

⁸le a beh Gabbai le Sallai hi uh a, mi zakua sawmnih giat pha uh hi.

⁹Zikri’ tapa Joel pen amau’ mapi hi a, Hassenuah’ tapa Judah pen khuapi uk a nihna pa ahi hi.

¹⁰Pasian’ biakinn a uk Ahitub’ tapa Meraioth, a tapa Zadok, a tapa Meshullam, a tapa Hilkiah, a tapa Seraiah, a tapa Joiarib, a tapa Jedaiah, le Jakhin,

¹²le inn nasep a sem a behte hi uh a, mi zagiat sawmnih le nih pha uh hi. Tua ciangin Malkhijah’ tapa Pashhur, a tapa Zekhariah, a tapa Amzi, a tapa Pelaliah, a tapa Jehoram, a tapa Adaiah,

¹³le beh lutang ahi a beh dangte hi a, mi zanih sawmlinih pha uh hi. Tua ciangin Immer’ tapa Meshillemoth, a tapa Ahzai, a tapa Azarel, a tapa Amashsai,

¹⁴le a thahat a vanglian a behte hi a, mi zakhat sawmnih le giat pha uh a, Haggedolim’ tapa Zabdiel pen amau’ mapi ahi hi.

¹⁵Bunni’ tapa Hashabiah, a tapa Azrikam, a tapa Hasshub, a tapa Shemaiah,

¹⁶le Pasian’ biakinn pualam nasep a uk, Levi mite’ ukpite ahi Shabbethai, Zozabad,

¹⁷le lungdam koh thungetna patkhiat ding a makai Asaf, a tapa Zabdi, a tapa Mika, a tapa Mattaniah, le a sanggamte lakah a nihna ahi Bakbukiah, le Jeduthun’ tapa Galal, a tapa Shammua, a tapa Abda’ suante beh ahi uh hi.

¹⁸Khuapi siangtho sungah Levi mi a om khempeuh mi zanih sawmgiat le li a pha uh hi.

¹⁹Akkub, Talmon, le a behte hi uh a, mi zakhat sawmsagih nih pha uh hi.

²⁰A omlai Israel-te, siampite, le Levi mite ahihleh Judah khuapi dangte-ah amau’ luah leitang ciatah teng uh hi.

²¹Ahi zongin biakinn nasemte ahihleh Ofel mualbo-ah teng uh a, Ziha le Gishpa in amaute a uk uh hi.

²²Jerusalem-a Levi mite ukin Pasian’ biakinn nasepna a vaan pa pen Mika’ tapa Mattaniah, a tapa Hashabiah, a tapa Bani, a tapa Uzzi hi a, amah pen lasa Asaf suante sung pan ahi hi.

²³Tuate beh in kumpipa’ thupiakna tawh na sem uh a, tua lasate in nisimin na a sep ding uh kisam hi.

²⁴Tua ciangin Judah’ tapa Zerah, a tapa Meshezabel, a tapa Pethahiah pen mite tawh kisai zum thu khempeuhah kumpipa’ zat pen ahi hi.

²⁵Khuaneute le a kiima lote tawh kisai-in: Mi pawlkhatte’ tenna pen Kiriatharba le a khuaneute, Dibon le a khuaneute, Jekabzeel le a khuaneute,

²⁶Jeshua, Moladah, Bethpelet,

²⁷Hazarshual, Beersheba le a khuaneute,

²⁸Ziklag, Mekonah le a khuaneute,

²⁹Enrimmon, Zorah, Jarmuth,

³⁰Zanoah, Adullam le a khuaneute, Lakhish le a lote, le Azekah le a khuaneute ahi hi. Tua hi a, amaute pen Beersheba panin Hinnom Kuam dongah teng uh hi.

³¹Tua ciangin Geba, Mikmash, Aija, Bethel le a khuaneute,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboiim, Neballat,

³⁵Lod, Ono, le Geharashim khuate-ah Benjamin mite teng uh hi.

³⁶Tua ciangin Judah gam a Levi mite pawlkhat Benjamin gamah kigawm hi.