Read Tedim Chin NEHEMIAH 12 Bible Online

NEHEMIAH 12 - Tedim Chin bible

NEHEMIAH 12

¹Shealtiel’ tapa Zerubbabel le Jeshua tawh a hong ciahkik siampite le Levi mite: Seraiah, Jeremiah, Ezra,

²Amariah, Maluk, Hattush,

³Shekaniah, Rehum, Meremoth,

⁴Iddo, Ginnethoi, Abijah,

⁵Mijamin, Maadiah, Bigah,

⁶Shemaiah, Joiarib, Jedaiah,

⁷Sallu, Amok, Hikiah, le Jedaiah te ahi uh hi. Hihte pen Jeshua hun lai-in siampite le a sanggamte uh lakah a ukpite ahi uh hi.

⁸Jeshua, Binnui, Kadmiel, Sherebiah, Judah, le Mattaniah hi a, Mattaniah in a sanggamte tawh lungdamkohna late a uk hi.

⁹Tua ciangin a sanggamte uh Bakbukiah le Unno in amaute tawh kigal sai-in omin a dawng uh hi.

¹⁰Tua hi a, Jeshua pen Joiakim’ pa, Joiakim pen Eliashib’ pa, Eliashib pen Joiada’ pa,

¹¹Joiada pen Jonathan’ pa, Jonathan pen Jaddua’ pa ahi hi.

¹²Tua ciangin Joiakim hun lai-in beh lutang ahi siampite: Seraiah suante sung panin Meraiah, Jeremiah suante sung panin Hananiah,

¹³Ezra suante sung panin Meshullam, Amariah suante sung panin Jehohanan,

¹⁴Malukhi suante sung panin Jonathan, Shebaniah suante sung panin Josef,

¹⁵Harim suante sung panin Adna, Meraioth suante sung panin Helkai,

¹⁶Iddo suante sung panin Zekhariah, Ginnethon suante sung panin Meshullam,

¹⁷Abijah suante sung panin Zikri, Miniamin suante sung panin, Moadiah suante sung panin Piltai,

¹⁸Bilgah suante sung panin Shammua, Shemaiah suante sung panin Jehonathan,

¹⁹Joiarib suante sung panin Mattenai, Jedaiah suante sung panin Uzzi,

²⁰Sallai suante sung panin Kallai, Amok suante sung panin Eber,

²¹Hilkiah suante sung panin Hashabiah, Jedaiah suante sung panin Nethanel ahi uh hi.

²²Eliashib, Joiada, Johanan, le Jaddua-te’ hun lai-a beh lutangte le siampite ahihleh Persia kumpipa Darias hun ciang dong Khang Tangthu Laibu sungah kiciamteh hi.

²³Levi mite beh sung panin beh lutangte pen Eliashib’ tupa Johanan’ hun ciang dong Khang Tangthu Laibu sungah kigelh hi.

²⁴Tua ciangin Levi mi ukpite: Hashabiah, Sherebiah, Jeshua, Binnui, le Kadmiel hi uh a, Pasian’ mi David’ thupiakna bangin a banbanin phatna la a sa ding le lungdamna a ko dingin a sanggamte uh tawh na a sem ding uh ahi hi.

²⁵Mattaniah, Bakbukiah, Obadiah, Meshullam, Talmon le Akkub-te pen vankoihna kongpite a cing kongcingte ahi uh hi.

²⁶Hih pen Jozadak’ tapa Jeshua, a tapa Joiakim’ hun le gam ukpa Nehemiah, le siampi hi-in laithei pa zong ahi Ezra-te’ hun lai-a vaihawmna ahi hi.

²⁷Tua ciangin amaute in daltuahte, harp lasaknate, le laiza lasaknate tawh lungdam ko-in la sa-in lungdamna tawh kulhpi apna a bawl dingin Jerusalem-ah hong pai theih nadingun Levi mite a omna khempeuh uhah a zong uh hi.

²⁸Tua hi a, Jerusalem kiim le Netofah mite’ khuaneute panin Levi mi lasate hong kikaikhawm uh hi.

²⁹Bethgilgal khua le Geba kiimnai le Bethazmaveth khua panin zong hong pai uh hi. Bang hang hiam cih leh lasate pawl in Jerusalem kiimah amau a dingin khuaneute sat uh hi.

³⁰Tua ciangin siampite le Levi mite amau mah kisiansuah tawm uh a, tua khit ciangin mite le kongpite le kulhpi a siansuah uh hi.

³¹Tua ciangin khuapi kulhzangah Judah mi uliante ka paipih a, lampai kawmin lungdamna a ko dingin pawl lian nih ka seh hi. Kulhzang panin pawlkhatte taklam manawhin Nin Kongpi lamah a pai uh hi.

³²Tuate’ nungah Hoshaiah le Judah uliante kimkhat,

³³le Azariah, Ezra, Meshullam,

³⁴Judah, Benjamin, Shemaiah, le Jeremiah,

³⁵le siampi pawlkhat: Asaf, a tapa Zakkur, a tapa Mikaiah, a tapa Mattaniah, a tapa Shemaiah, a tapa Jonathan, a tapa Zekhariah,

³⁶le ama behte Shemaiah, Azarel, Gilalai, Maai, Nethanel, Judah, le Hanani-te, Pasian’ mi David’ lasakna nate tawh pai uh a, tuate lakah laithei pa Ezra masa hi.

³⁷Tuinak Kongpi panin kulh kahtohna David khuapi kahlei-ah paito-in, David’ inn khengin nisuahna lam manawhin Tui Kongpi dongah pai uh hi.

³⁸Lungdamna a ko a pawldang khat pen veilam manawhin pai uh a, mi a kimkhat tawh amaute ka zui hi. Kulh tungah pai-in Meikhuk Tausang pan Kulh Zai-ah

³⁹tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel Tausang, tua ciangin Za Khat Tausang, tua ciangin Tuu Kongpi-ah pai uh a, tua ciangin Thong Kongpi-ah khawl uh hi.

⁴⁰Tua hi a, lungdamna a ko hih pawl nihte, Pasian’ biakinn hong tung uh a, uliante pawlkhat le kei ka omkhawm uh hi.

⁴¹Tua ciangin siampi Eliakim, Maaseiah, Miniamin, Mikaiah, Elioenai, Zekhariah, le Hananiah-te a peengkulte uh tawh om uh a,

⁴²Maaseiah, Shemaiah, Eleazar, Uzzi, Jehohanan, Malkhijah, Elam, le Ezer zong a om uh hi. Tua hi a, Jezrahiah makai-in lasate inla sa uh hi.

⁴³Pasian in nakpitakin amaute lungdamsak ahih manin amaute in tua ni-in biakpiakna lian tampi pia-in lungdam uh a, numei naupangte zong lungdam uh hi. Tua hi a, Jerusalem khuasunga lungdamna awging gamlapi pek pan nangawnin kiza hi.

⁴⁴Tua ciangin khuapite’ kiimah lo omte panin a golna le a neuna tawh kizui-in siampite le Levi mite a dingin thukham sunga om bangin a kaihkhop ding uh a kipia nate, anpalte, le sawm-ah-khatte a koihna ding uh vankoihna innte a uk dingin mi kiseh hi; bang hang hiam cih leh siampite le Levi mite’ nasepna hangin Judah mi khempeuh lungdam mahmah uh hi.

⁴⁵Tua hi a, David le a tapa Solomon’ thupiakna tawh kizui-in lasate le kongcingte mah bangin amaute in amau’ Pasian’ nasepte le siansuah nasep a sem uh hi.

⁴⁶Bang hang hiam cih leh David’ hun lai-in lasate a ukpi le phatna le lungdamkohna a makai-in Asaf om hi.

⁴⁷Zerubbabel le Nehemiah’ hun lai-in Israel mite khempeuh in lasate le kongcingte a dingin a nisim tanh uh pia uh a, amaute in Levi mite a’ ding tuamkoih uh hi. Tua ciangin Levi mite in Aaron suante a dingin tuamkoihsawn leuleu uh hi.