Read Tedim Chin NEHEMIAH 7 Bible Online

NEHEMIAH 7 - Tedim Chin bible

NEHEMIAH 7

¹Kulh kiciang khinin, kongkhakte ka bulh khin uh a, kongcingte, lasate, le Levi mite a kiseh khit ciangin,

²ka sanggampa Hanani le biakinn a uk Hananiah in a et dingin Jerusalem ka pia hi; bang hang hiam cih leh Hananiah pen midang tampi sangin a citakzaw, Pasian a zahtakzaw khat ahi hi.

³Tua hi a, amaute tungah, “Sun mateng Jerusalem kongpite hongsak kei un. Tua ciangin ni omlai mahin kongte khaksakin kalhsak un. Jerusalem khuasunga tengte lak panin khuacing dingte seh unla, pawlkhatte galvilna munah, pawlkhatte amau’ omna inn mai ciatah omsak un,” ka ci hi.

⁴Khuapi lianin zai a, ahi zongin a sungah mi tawm bek om a, innte a kilam om nai lo hi.

⁵Tua ciangin uliante, thukhente, le mite a innkuan kuanun ciaptehna ding ka lungsim sungah Pasian in hong suaksak hi. Tua hi a, hong ciahkik masate’ khang ciaptehna laibu ka mu hi. Tua sungah a kigelh ka muhte:

⁶Babylon kumpipa Nebukhadnezzar in a zawhna gam panin salin a lak mite sung panin hih mite pen Zerubbabel, Jeshua, Nehemiah, Mordekai, Bilshan, Mispereth, Bigvai, Nehum, le Baanah-te’ makaihna tawh Jerusalem le Judah gam sung amau khua ciatah a hong ciahkik ahi uh hi. Israel sung panin mi a phazah:

⁷

⁸Parosh suante - mi tulnih zakhat sawmsagih le nih ahi hi.

⁹Shefatiah suante - mi zathum sawmsagih le nih ahi hi.

¹⁰Arah suante - mi zaguk sawmnga le nih ahi hi.

¹¹Pahathmoab-te beh sung panin Jeshua le Joab suante - mi tulnih zagiat le sawm le giat ahi hi.

¹²Elam suante - mi tulkhat zanih sawmnga le li ahi hi.

¹³Zattu suante - mi zagiat sawmli le nga ahi hi.

¹⁴Zakkai suante - mi zasagih sawmguk ahi hi.

¹⁵Binnui suante - mi zaguk sawmli le giat ahi hi.

¹⁶Bebai suante - mi zaguk sawmnih le giat ahi hi.

¹⁷Azgad suante - mi tulnih zathum sawmnih le nih ahi hi.

¹⁸Adonikam suante - mi zaguk sawmguk le sagih ahi hi.

¹⁹Bigvai suante - mi tulnih sawmguk le sagih ahi hi.

²⁰Adin suante - mi zaguk sawmnga le nga ahi hi.

²¹Ater a kici Hezekiah’ suante - mi sawmkua le giat ahi hi.

²²Hashum suante - mi zathum sawmnih le giat ahi hi.

²³Bezai suante - mi zathum sawmnih le li ahi hi.

²⁴Harif suante - mi zakhat sawm le nih ahi hi.

²⁵Gibeon suante - mi sawmkua le nga ahi hi.

²⁶Bethlehem le Netofah khuami - zakhat sawmgiat le giat ahi hi.

²⁷Anathoth khuami - zakhat sawmnih le giat ahi hi.

²⁸Bethazmaveth khuami - sawmli le nih ahi hi.

²⁹Kiriathjearim, Khefirah, le Beeroth khuami - zasagih sawmli le thum ahi hi.

³⁰Ramah le Geba khuami - zaguk sawmnih le khat ahi hi.

³¹Mikmash khuami - zakhat sawmnih le nih ahi hi.

³²Bethel le Ai khuami - zakhat sawmnih le thum ahi hi.

³³Nebo adang khat khuami - sawmnga le nih ahi hi.

³⁴Elam adang khat suante - tulkhat zanih sawmnga le li ahi hi.

³⁵Harim khuami - zathum sawmnih ahi hi.

³⁶Jerikho khuami - zathum sawmli le nga ahi hi.

³⁷Lod, Hadid, le Ono khuami - zasagih sawmnih le khat ahi hi.

³⁸Senaah khuami - tulthum zakua sawmthum ahi hi.

³⁹Siampite sung panin: Jeshua-te beh panin Jedaiah suante - zakua sawmsagih le thum ahi hi.

⁴⁰Immer suante - mi tulkhat sawmnga le nih ahi hi.

⁴¹Pashhur suante - mi tulkhat zanih sawmli le sagih ahi hi.

⁴²Harim suante - mi tulkhat sawm le sagih ahi uh hi.

⁴³Levi mite sung panin: Hodevah-te beh panin Jeshua suante le Kadmiel suante - sawmsagih le li ahi hi.

⁴⁴Lasate sung panin Asaf suante - mi zakhat sawmli le giat ahi hi.

⁴⁵Kongcingte nam sung panin Shallum suante, Ater suante, Talmon suante, Akkub suante, Hatita suante, le Shobai suante - mi zakhat sawmthum le giat ahi uh hi.

⁴⁶Biakinn nasemte sung panin a hong ciahkikte: Ziha suante, Hasufa suante, Tabbaoth suante,

⁴⁷Keros suante, Sia suante, Padon suante,

⁴⁸Lebana suante, Hagaba suante, Shamai suante,

⁴⁹Hanan suante, Giddel suante, Gahar suante,

⁵⁰Reaiah suante, Rezin suante, Nekoda suante,

⁵¹Gazzam suante, Uzza suante, Paseah suante,

⁵²Besai suante, Meunim suante, Nefushesim suante,

⁵³Bakbuk suante, Hakufa suante, Harhur suante,

⁵⁴Bazlith suante, Mehida suante, Harsha suante,

⁵⁵Barkos suante, Sisera suante, Temah suante,

⁵⁶Neziah suante le Hatifa suante ahi uh hi.

⁵⁷Solomon’ nasemte’ suanlekhakte sung panin: Sotai suante, Sofereth suante, Perida suante,

⁵⁸Jaala suante, Darkon suante, Giddel suante,

⁵⁹Shefatiah suante, Hattil suante, Pokherethhazzebaim suante, le Amon suante ahi uh hi.

⁶⁰Biakinn nasemte le Solomon’ nasemte’ suanlekhakte mi a vekpi-in zathum sawmkua le nih a pha uh hi.

⁶¹Temelah, Telharsha, Kherub, Addan, le Immer khuate panin a hong ciahkik, Israel mi hinapi-in amau’ behlephung a kan thei lo mite:

⁶²Delaiah suante, Tobiah suante, le Nekoda suante, mi zaguk sawmli le nih ahi uh hi.

⁶³Siampite’ sung panin zong: Hobaiah suante, Hakkoz suante, Barzillai suante (amah in Gilead mi Barzillai’ tanute khat tenpihin tua min tawh a kilo pah) ahi uh hi.

⁶⁴Hih mite in khang ciaptehna sungah a kiciamteh mite lakah amau’ min a zon uh hangin mu lo uh ahih manin amaute a siang loin seh uh a, siampi nasep semsak thei lo uh hi.

⁶⁵Tua hi a, Urim le Thummim aisanna tawh ai san ding siampi khat a om matengin amaute in biakna an siangtho pente a nek loh nading uh gam ukpa in a gen hi.

⁶⁶Mi a vekpi-in tul sawmli tulnih zathum sawmguk pha a,

⁶⁷amaute’ nasem numei le pasal tulsagih zathum sawmthum le sagihte kisim lo lai hi. Tua banah amaute in lasa numei le pasal zanih sawmlinga nei uh hi.

⁶⁸Amau’ sakol zasagih sawmthum guk, a la-sakol uh zanih sawmli nga,

⁶⁹a kalaoh uh zali sawmthum nga, le a late uh tulguk zasagih sawmnih a pha hi.

⁷⁰Beh lutang mi pawlkhat in nasep nadingin nate pia uh hi. Gam ukpa in vanmanpha koihna-ah kham darik tulkhat, kuang-uk sawmnga, le siampipuan zanga sawmthum a pia hi.

⁷¹Tua ciangin beh lutang pawlkhatte in vanmanpha koihna-ah kham darik tul sawmnih le ngun mina tulnih zanih a pia uh hi.

⁷²Tua ciangin midangte’ piakte pen kham darik tul sawmnih, ngun mina tulnih, le siampipuan sawmguk le sagih ahi hi.

⁷³Tua ciangin siampite, Levi mite, le mi pawlkhatte Jerusalem khua le a kiimah teng uh hi; kongcingte, lasate, biakinn nasemte, le Israel midangte amau’ khuapi ciatah a teng uh hi.