Read Tedim Chin PAIKHIATNA 26 Bible Online

PAIKHIATNA 26 - Tedim Chin bible

PAIKHIATNA 26

¹“Tua tham loin a kopin a kikhuk khau hoih tawh a kigan dalna puan sawm le a dum, a dupsan, le a ausan khau a kigan puan tawh biakbuk na bawl ding hi. Hoihtakin a kibawl kherub-te tawh tuate na bawl ding hi.

²Dalna puan a dung pi sawmli le pi nih hi ding a, dalna puan a vai pi guk hi ding hi. Dalna puan khempeuh kikim ciat ding hi.

³Dalna puan ngate khatlekhat kikhuituah ding hi.

⁴A kikhuituah a masa dalna puan a nawlnung pen’ nawl dung sukah khaudum tawh a bilvangte na bawl ding hi. Tua bangmahin a kikhuituah a nihna dalna puan a nawlnung pen’ nawl dung suk mahah a bilvangte na bawl ding hi.

⁵Dalna puan khat tungah bilvang sawmnga bawlin, a kikhuituah a nihna dalna puan nawlah bilvang sawmnga mah na bawl ding a, a bilvangte khatlekhat kitang ding uh hi.

⁶Biakbuk pen bup khat a suah theih nadingin nangmah in kham kilhna sawmnga bawlin, tua kilhnate tawh dalna puan khatlekhat na kimatsak ding hi.

⁷“Biakbuk a tung khuh nadingin keelmul tawh puante zong na bawl ding a, puan sawm le khat na bawl ding hi.

⁸Tua puan a dung pi sawmli le nga, a vai pi guk ciat hi ding a, puan sawm le khatte kikim ding hi.

⁹Tua puan ngate amau le amau khuituahin, puan gukte zong amau le amau mah na khuituah ding a, a gukna puan pen puanbuk mai-ah na khep ding hi.

¹⁰A kikhuituah puan khat nawlah a bilvang sawmnga bawlin, a kikhuituah a nihna puan nawlnung pen nawlah a bilvang sawmnga mah na bawl ding hi.

¹¹Tua pen bup khat a suah theih nadingin nangmah in sumngo kilhna sawmnga bawlin, a bilvangte’ sungah tua kilhnate guangin, puanbuk na kimatsak ding hi.

¹²Puanbuk puan a val khia, puan alang a val pen, biakbuk nungah kaisuk ding hi.

¹³Puanbuk puan a dunglam, pangkhatah pi khat le alang, a pang langkhatah pi khat le alang a val pen biakbuk a khuh dingin hih lampang le hua lampangte-ah kaisuk ding hi.

¹⁴“A kisansak tuutal vunte le keelvunte tawh puanbuk khuhna khat na bawl ding hi.

¹⁵“Biakbuk a dingin a po to ding khuampeekte singkha sing na bawl ding hi.

¹⁶A khuampeek khat a tun pi sawm le nga hi ding a, a vai pi nih le letmat thum vive hi ding hi.

¹⁷A bulh nadingin a khuampeek khatah a zang nih ciat om ding hi. Biakbuk khuampeek khempeuh tua bangin na bawl ding hi.

¹⁸Biakbuk khuampeekte na bawl ding hi: Leitaw lam panga dingin khuampeek sawmnih hi ding hi.

¹⁹A khuampeek sawmnihte’ bulah bullen sawmli ngun tawh na bawl ding a, a zang nihte a dingin khuampeek khat bulah bullen nih, a khuampeek dang khat bulah adang nihte a dingin bullen nih mah hi ding hi.

²⁰Biakbuk a pang nihna lam, leilu lam panga a khuampeek sawmnihte le

²¹ngun tawh kibawl a bullen sawmlite a dingin, khuampeek khatah bullen nih, adang khuampeek khat bulah bullen nih mah hi ding hi.

²²Nitumna lam, biakbuk nung lama dingin khuampeek guk na bawl ding hi.

²³Biakbuk nunglam kiute a dingin khuampeek nih na bawl ding hi.

²⁴Tuate a bul lamah kikak ding a, ahih hangin a kual masa ah a dawn kimat ding hi. A nihin tua bang hi ding a, tuate in a kiu nihte piangsak ding uh hi.

²⁵Ngun tawh kibawl amau’ bullen sawm le gukte a’ ding a khuampeek giat pha ding a, khuampeek khatah bullen nih ciat om ding hi.

²⁶“Singkha sing, zawlin na bawl ding hi.

²⁷Biakbuk pangkhat a khuampeek a’ ding zawl nga, biakbuk a pang langkhat a khuampeek a dingin zawl nga, nitumna lam biakbuk nung lam panga a khuampeekte a dingin zawl nga hi ding hi.

²⁸A zawl laita, a khuampeek kimciang a banto pen mong khat pan mong khat paisuak ding hi.

²⁹A khuampeekte kham tawh zutin, a zawlte a len dingin amau’ kualte kham tawh na bawl ding a, a zawlte kham tawh na zut ding hi.

³⁰A lim ding geelna, mualtungah nang tungah hong kilak mah tawh kizui-in biakbuk na lam ding hi.

³¹“A dum, a dupsan, a ausan, a kopin a kikhuk khau hoih kigan tawh dalna puan khat na bawl ding a, hoihtakin a kibawl kherub-te tawh kizem ding hi.

³²Ngun tawh kibawl bullen lite tungah a om, kham kibawl vankhaina nei-in, kham tawh a kizut singkha khuampi lite tungah na khai ding hi.

³³A kilhnate-ah dalna puan khai sukin, dalna puan sung tua lai munah thuciamna singkuang na koih ding a, dalna puan in siangtho pen mun panin siangtho mun khen ding hi.

³⁴Siangtho pen mun sunga om thuciamna singkuang tungah hehpihna tokhom na koih ding hi.

³⁵Dalna puan pualamah sabuai koihin, sabuai tawh a kisan biakbuk leitaw lampangah meivakkhuam na koih ding a, leilu lampangah sabuai na koih ding hi.

³⁶“Puanbuk kongkhak dingin a dum, a dupsan, a ausan, a kopin a kikhuk khau hoih tawh a kigan, phim tawh kikhui-in a kizem kongpuankhai khat na bawl ding hi.

³⁷Kongpuankhai a dingin singkha khuampi nga bawlin kham tawh na zut ding hi. A vankhainate kham hi ding a, tuate a dingin sumngo bullen nga na bawl ding hi.