Read Tedim Chin JOB 21 Bible Online

JOB 21 - Tedim Chin bible

JOB 21

¹Tua ciangin Job in dawng a,

²“Ka thugente limtakin hong ngai unla, ka thu nong ngaihna uh nong hehnepna uh hisak ni.

³Thu ka gen theih nading hun hong pia unla, ka gen khit ciangin na ut uhleh hong zahpih un.

⁴“Kei’ kitotpih pen mihing hi lo hi. Bang hangin lungtom lo ding ka hi hiam?

⁵Kei hong en dih un. Lamdangsak taak hi lo ka hi hiam?

⁶Keima tunga thupiang ka ngaihsut ciangin lamdangsa mahmahin lau-in ka ling hi.

⁷“Bang hangin Pasian in migilote khantosak a, hausakin liansak ahi hiam?

⁸A tate uh nuamtakin a khantohna, a u a nau, a suan a khakte uh a punna a mu ding dongin a nungta uh hi.

⁹Pasian in amaute’ inn sungah lungkhamna tungsak lo a, amaute in lauhuaina thuakkha ngei lo uh hi.

¹⁰A bawngte uh pung a, tatolh cih om ngei lo hi.

¹¹Tuuno bangin a naupangte uh taikhia-in kimawl uh a,

¹²tamngai le harp lasakna aw tawh a kituakin a lam uh hi.

¹³Amaute a nuntak sungin cithei mahmah uh a, gentheihna tuak se loin nuamtakin a si hiat uh hi.

¹⁴“Migilote in Pasian nawlkhin uh a, Pasian in amau’ nuntak ding a deihsakte thei nuam lo uh hi.

¹⁵Pasian’ na sep ding kisam sa se lo uh a, Pasian kianga thunget phattuamna om kei, ci uh hi.

¹⁶Amau’ thahatna hang bek tawh a gina kisa uh a, amau’ ngaihsutna le kei’ ngaihsutna kigamla hi.

¹⁷“Migilo pa’ meivak kisukmitsak ngei ahi hiam? Amaute khat beek in lungkhamna tuak ngei ahi uh hiam? Pasian in hehna tawh migilote gim pia ngei ahi hiam?

¹⁸Huih in a letkhiat buhkungte, le huihpi in a mutkhiat buhsi bangin amaute bawl ngei ahi hiam?

¹⁹“Pasian in a pa’ khialhna hangin a ta gim pia hi, na ci uh hi. Tua bang hi lo! Pasian in a mawhte teek mah gim pia hen la, amau’ mawhna hangin gim pia ahihna theisak hen.

²⁰Mawhneite amau’ mawhna hangin gimna thuaksak hen la, Vanglianpa’ hehna theisak tahen.

²¹Mi khat a nuntakna a bei khit ciangin, a naupangte’ nopsakna phawk thei nawn ahi hiam?

²²Mi khat in Pasian’ tungah thu hilh thei ding ahi hiam? Vanglianpa tungah thu khen thei ding ahi hiam?

²³“Mi pawlkhatte a cithei mahmahin si a, lungmuang tak le lungnuam takin om uh a,

²⁴annek tuidawn a kicingin a nei uh hi.

²⁵Mi pawlkhatte ahihleh nopsak cih theikha ngei loin lunggimin a si uh hi.

²⁶Ahi zongin a kibangin a vekpi-in si-in kivui a, than in amaute tuamcip hi.

²⁷“Na lungsim sung uhah na ngaihsutna uh, kei nong siatsak nopnate uh ka tel mahmah hi.

²⁸Siatna a gamta, mi lianpa’ inn, koi-ah omta ahi hiam, na ci uh hi.

²⁹“Khualzinzin mite tawh kiho ngei lo na hi uh hiam? Amaute’ thugente, thei lo na hi uh hiam?

³⁰Pasian hehin, mite gim a piak ciangin migilote peng tawntung zawsop hi.

³¹Migilo pa a gamtatna bangin a thukkik ding, migilo pa mawhsakin a langpang ding kuamah om lo hi.

³²Migilo pa a kivui ciangin a hankhuk kicing a,

³³mi tul tampi in amah kha-in hoihtakin lei tawh kivuk hi.

³⁴“Tu-in note in a mawknapi tawh hehnep nong sawm uh hi. Na gen uh thu khempeuh zuauthu vive hi lel hi,” a ci hi.