Read Tedim Chin JOB 26 Bible Online

JOB 26 - Tedim Chin bible

JOB 26

¹Tua ciangin Job in dawng a,

²“A hehpihhuai kei nong huhna, a thazawngkhal kei nong hotna, hih bang ahi hiam?

³Kei bang mihai tungah thu manpha nong gen a, pilna thu tampi nong pulak hi.

⁴Tua bang thu a gen dingin kua in hong sawl a, kua’ lungsim hong pulakkhia na hi hiam?

⁵“Misite’ gam kiling a, a sunga a teng mite launa tawh a ling hi.

⁶Pasian’ muhna-ah misite’ gam kilang sinsen a, a muh theih loh nadingin a liah bangmah om lo hi.

⁷Pasian in mun awng tungah vanpi hong zalkhia a, bangmah in a len lopi-in leitung a khai lingleng hi.

⁸Amah in meiilom lakah tuite khol a, tua a gik mahmah tui meii a puazosak hi.

⁹Amah in kha a liah ding bawl a, meii tawh kha a khuh hi.

¹⁰Amah in muh tawpna-ah git dinden a, khuavak le khuamial a khen hi.

¹¹Amah in vanpi a pua khuampite a taii ciangin tua khuampite lau-in a ling uh hi.

¹²Ama thahatna tawh tuipi zo a, ama siamna tawh tui ganhing golpi Rahab thatlum hi.

¹³A hu a san ciangin vantung teng siang pah a, ama khut in a taikhia gulpi thatlum hi.

¹⁴Hihte pen ama vangliatna themkhat bek hi pan a, i zak thute pen a hemlam bek hi pan hi. Pasian a liatna taktak kua’n theizo ding ahi hiam?” a ci hi.