Read Tedim Chin JOB 38 Bible Online

JOB 38 - Tedim Chin bible

JOB 38

¹Tua ciangin huihpi lak panin TOPA in Job tungah thu hong gen a,

²“Kei’ pilna a nial dingin nang kua na hi hiam? Thu na theih lohlam a kilangsak na hi bek hi.

³Kipasalsakin dingto inla, kong thudot dingte hong dawng in.

⁴Leitung ka bawl laitakin nang om na hi hiam? Thei kisa na hih leh tua thu hong gen in.

⁵Bangcia-in golsak ding cih kua in seh ahi hiam? Kua in a golna ding zah khau khai ahi hiam? Hihte khempeuh thei kisa na hi hiam?

⁶Leitung a pua khuampite bang tungah kiphut ahi hiam? Kua in leitung a bulpi phut ahi hiam?

⁷Tua ni-in zingsang aksite in la sa khawm uh a, Pasian’ tapate lungdamin a kiko uh hi.

⁸“Lei sung panin tuipi hong suahkhiat laitakin, tua tuipi a khaktan ding kongpi kua in na khak ahi hiam?

⁹Meii tawh tuipi a tuamcip pa, khuamial tawh a vialcip pa keimah ka hi hi.

¹⁰Tuipi gamgi ding ciamteh sakin, ama huangsung ding bekah ka omsak hi.

¹¹Tuipi kiangah, ‘Hih ciang bek na pai ding a, hih banah na kin nawn kei ding hi. Na tuihualte hih ciang bek pai ding hi,’ ka ci hi.

¹²Job aw, nangmah in, ‘Tuni-in khua vak in,’ ci-in na nuntak sung tawntung thu pia ngei na hi hiam?

¹³Zing khuavak in leitung a mongin manin, a kawma bu migilote a sinkhiat ding, thu pia thei ngei na hi hiam?

¹⁴Khuavak in mualleguamte kilangkhia sak a, puan a tonin a kikoih tawh a kibatna a kilangsak hi.

¹⁵Migilote a dingin sun khuavak taanglua a, siatna a gamtatna ding uh a khamcip hi.

¹⁶“Tuipi sungtawng tuinakah pai ngei na hi hiam? Tuipi nuai lei tam tungah lam pai ngei na hi hiam?

¹⁷Misite’ gam khuamial kongkhakpi, mi khatpeuh in nang hong lak ngei ahi hiam?

¹⁸Leitung bangcia lian ding cih na thei hiam? Hih thute thei na hih leh hong dawng in.

¹⁹“Leitung khuavak hong kipatkhiatna mun ahi a, leitung khuamial hong kipatna mun ahi zongin, thei na hi hiam?

²⁰Nangmah in amau’ omna mun ciang dong va thei a, tua ciang dongah va kha kik ngei na hi hiam?

²¹Na nuntakna sawtta a, leitung a pianin nang suakkhin na hih teh tua thute khempeuh thei mah ni teh!

²²“Vuk a kikoihna munah nang va lut ngei a, gial a kikhopna mun va mu ngei na hi hiam?

²³Tuate, lungkham huna ding, gal om hun cianga dingin ka koihcing ahi hi.

²⁴Leitung nitaang a hong suahkhiatna mun ahi a, nisuahna huihpi hong kipatna mun ahi zongin, va tung ngei na hi hiam?

²⁵“Kua in guahzukna ding tui lampi bawlsak a, keek’ lampi ding sialsak ahi hiam?

²⁶Mihing om lohna mun leilakah, kua in guah zusak ahi hiam?

²⁷Lopate a po theih nadingin lei keu-in a sak bekbakte kua in tui buak ahi hiam?

²⁸Guah in pa nei ahi hiam? Daitui in pa nei ahi hiam?

²⁹Kua’ sung panin tuikhal hong piangkhia a, kua’ sung panin vana vukte hong suak ahi hiam?

³⁰Tua tuite suang bangin sak a, tuipi tui teng khalcip hi.

³¹“Vana om Seguk henkop thei a, Zawlzawng a kikhihna phel thei na hi hiam?

³²Ama hun hunin aksite lam lak thei a, Khawlei-uikai a pai nading lampi lak thei na hi hiam?

³³Vana om nate’ zuih ding ngeina bawlsak thei a, lei-a om nate’ zuih ding ngeina bawl thei na hi hiam?

³⁴“Vana om meiite in guah hong zuksakna ding nangmah in sawl na hi hiam?

³⁵‘Khua phia in,’ ci-in thu pia lecin, ‘Nong sawl bangin phia ning,’ hong ci ding ahi hiam?

³⁶Nail gun a khan ding a thei gun vapite kua in hilh a, guahzuk ding a thei akluite, kua in hilh ahi hiam?

³⁷Leivuite khalcipin, leitang a sak ciangin, meiite thu pia-in vana tuibemte a hong dingin kua in pilna nei ahi hiam?

³⁹“Humpinelkai le a note leihawm sungah bu-in, a kua sung uhah lumin ngakin a om laitakun, a an ding uh zonsak thei a, a note’ gilkialna vahsak thei na hi hiam?

⁴¹Va-akte a gilkialin leng kawikawi-in, a note in an duhin kei tungah hong nget ciangun, tua va-akte an a piapa kua ahi hiam?