Read Tedim Chin Late 1 Bible Online

Late 1 - Tedim Chin bible

Late 1

¹Mi nuamsa i cihte pen migilote’ thu a zui lo mi, mimawhte’ gamtat bangin a gamta lo mi, mi a thusim lote tawh a kipawl lo mi ahi hi.

²Ama nopsakna pen TOPA thu sung bek mah hi a, sun le zanin ama thu a ngaihsunsun mi ahi hi.

³Amah pen lui tuiluang gei-a a kisuan ama gah hunin gah a, a teh a vul ngei lo singkung tawh kibang hi. Ama hihna khempeuhah a maa pai mahmah hi.

⁴Migilote ahihleh tua bang hi lo uh a, huih in a letkhiat anvai tawh kibang lel uh hi.

⁵Tua ahih ciangin migilote in thukhenna thuak zo lo ding uh a, mimawhte pen midikte’ pawl sungah kihel thei lo ding uh hi;

⁶bang hang hiam cih leh TOPA in midikte lam lakin hu tawntung a, migilote ahihleh sia maimang ding uh hi.