Read Tedim Chin Late 110 Bible Online

Late 110 - Tedim Chin bible

Late 110

¹TOPA in ka to kumpipa tungah, “Na galte nangma khengakna-in ka bawl matengin ka taklamah tu in,” a ci hi.

²TOPA in Zion panin na kumpi ciangkhut hong puak hi. Na galte’ tungah uk in.

³Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

⁴TOPA in thu ciamzo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

⁵Nangma taklamah Topa hong om a, ama heh ni-in kumpite a zogawp ding hi.

⁶Kumpipa in minamte lakah thu khen ding a, tua munte si luanghawm tawh a dimsak ding hi. Amah in a zai mahmah leitungah ukpite a susia ding hi.

⁷Amah in lampi gei-a om luitui dawn ding a, amah a tha hatin a gualzo pa hi ding hi.