Read Tedim Chin Late 114 Bible Online

Late 114 - Tedim Chin bible

Late 114

¹Israel-te, Egypt gam panin pusuakin, Jakob innkuanpihte paudang a zang mite kiang pan a paikhiat uh ciangin

²Judah-te, TOPA’ mi siangtho suak a, Israel-te, ama uk mi a suak hi.

³Tuipi in amaute mu-in taikhia a, Jordan gun a nungkik hi.

⁴Mual liante tuutal bangin diang uh a, mual neute tuuno bangin a diang uh hi.

⁵Tuipi aw, na taikhiatna ding, Jordan gun aw, na nungkikna ding,

⁶mual liante aw, tuu bangin mual neute aw, tuuno bangin na dianna ding uh bang in hong nasak ahi hiam?

⁷Leitung aw, suangpi, bualtui suaksak a, meisuang, ciktui a suaksak, Jakob’ Pasian’ omna, TOPA’ omna-ah ling in.