Read Tedim Chin Late 128 Bible Online

Late 128 - Tedim Chin bible

Late 128

¹TOPA zahtakin ama thu a zui mi khempeuh thupha ngah mi ahi hi.

²Na khut tawh na sep thaman na ne ding a, na lungdamin na maavang ding hi.

³Nangma inn sungah na zi, a gah pha mahmah leenggui tawh kibang ding a, na sabuai kiimah a tu na tate, oliv no dawng hilhhelh tawh kibang ding uh hi.

⁴En un, TOPA a zahtak mi tua bangin thupha kipia ding hi.

⁵TOPA in Zion panin nang thupha hong pia hen la, na nuntak sung tawntung Jerusalem’ nopsakna mu ta in.

⁶Na tute a mu dingin hong siam tahen. Israel tungah nopna om ta hen!