Read Tedim Chin Late 137 Bible Online

Late 137 - Tedim Chin bible

Late 137

¹Zion khuapi i ngaihsut khak ciangin Babylon luite gei-ah eite tusukin i kapkap hi.

²Tua lai-a gialhek kungte tungah i laiza lasaknate i khai hi;

³bang hang hiam cih leh ei hong man mite in la i sak ding hong deih a, ei hong bawlsiate in i gualnop ding hong deihin, “Zion late khat hong sak un,” hong ci uh hi.

⁴TOPA’ la, gam dangah bangci sak theih ding ihi hiam?

⁵Jerusalem khuapi aw, nang kong mangngilh taak leh ka taklam khut buisum ta hen!

⁶Nang kong phawk kei a, kei’ lungdamna a lian pen sangin Jerusalem a sangzaw-in kong koih kei taak leh ka dang tawngah ka leii toncip ta hen!

⁷TOPA aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

⁸Misusia Babylon aw, kote’ tungah nong bawl bangin nang tungah hong thukpa in lungdamna ngah ta hen!

⁹Na taneute hong laksakin suangtumpi denna-in a hong neihsak pa in lungdamna ngah ta hen!