Read Tedim Chin Late 17 Bible Online

Late 17 - Tedim Chin bible

Late 17

¹TOPA aw, thuman ka hong ngetna hong za inla, ka otna hong ngai in! Lungsim takpi tawh ka hong thungetna hong ngai in!

²Thuman mu na hih manin ka dikna hong kilangsak in.

³Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

⁴Gamtatna thu-ah ci leng, nangma thupiaknate ka zui a, mi ngongtatte’ gamtat ziate ka pelh hi.

⁵Nangma lampi zui-in ka pai a, na lam ka pial ngei kei hi.

⁶Pasian aw, hong dawng ding na hih manin nang kong sam hi. Na bil hong ngat inla, ka thu hong za in.

⁷Amau’ galte’ kiang panin nang hong belte a honpa aw, na itna kip lamdang takin hong lak in.

⁸Kei a hong sugawp migilo, kei a hong umcih a kihtakhuai mahmah ka galte kiang panin mitnauta bangin hong kem inla, na kha liimah hong seel in.

¹⁰Amaute in hehpihna lungsim bangmah nei lo uh a, a kam uh tawh amaute kiphatsak pau uh hi.

¹¹Amaute in kei hong sulzuih uh a, tu-in kei hong umcihin, keimah leilak den nadingin a hong en uh hi.

¹²Amaute pen a balnen nuam humpinelkai tawh kibang uh a, humpinelkai khanglai sabuk tawh kibang uh hi.

¹³TOPA aw, tho in! Amaute maiphut inla, thalpaih in! TOPA aw, a deih khempeuh uh hih leitungah a nei migilote kiang panin na khut le na namsau tawh kei hong honkhia in. Amau a dingin na koihcing gimnate thuaksak inla, a tate un zong a cingvalin thuak uh hen la, a naungekte uh a’ ding nangawn nusiat lai ta uh hen.

¹⁵Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.