Read Tedim Chin Late 20 Bible Online

Late 20 - Tedim Chin bible

Late 20

¹Gimna na thuak ciangin TOPA in nang hong en hen la, Jakob’ Pasian in nangmah hong dal ta hen!

²Siangtho mun panin huhna nang hong puak hen la, Zion panin nang hong panpih ta hen!

³Na biakpiaknate khempeuh amah in hong phawk hen la, na meihal biakpiakna hong sang ta hen!

⁴Na lungsim’ deihna amah in hong pia hen la, na geelna khempeuh hong tangtungsak ta hen!

⁵Na gualzawhna-ah eite lungdamin awngin, i Pasian’ min tawh i lante khai ni!

⁶TOPA in a sathau nilh pa a huh ding tu-in ka thei ta a, ama vantung siangtho panin amah dawng ding a, a vangliatna tawh amah gualzosak ding hi.

⁷Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in TOPA i Pasian’ min bek i kihihsakpih hi.

⁸Amaute kinawmsawmin pukgawp ding uh a, ahih hangin eite tho-in i dingtang ding hi.

⁹TOPA aw, kumpipa tungah gualzawhna pia inla, kong sap ciangun hong dawng in.