Read Tedim Chin Late 58 Bible Online

Late 58 - Tedim Chin bible

Late 58

¹No gam ukte aw, a manin thu na khen uh hiam? Note in mi khempeuh’ thu a tangin na khen uh hiam?

²Hi peuhmah lo hi; na lungsim uhah a man lo na ngaihsun uh a, gam sungah ngongtatna na gamta uh hi.

³Migilote a khan tawnun khial uh hi. A suah tung mahun lam khial pah uh a, zuauthu gen uh hi.

⁴Amaute in gulpi’ gu bang gu nei uh a, a khiimte’ aw ahi a, a zol siamte’ aw ahi zongin bangmah a za het lo, gul bilngong tawh kibang uh hi.

⁶Pasian aw, amau’ kam sunga a om a hate uh sutan inla, humpinelkai khanglai hatu-te botkhia in, TOPA aw.

⁷Tui luangkhiate bangin amaute mangthangsak inla, lopa bangin amaute kituancil gawpin keutumsak in.

⁸Amaute a naai a bei toktol, a hun cing loin a suak, ni a mu ngei lote bangsak in.

⁹Na beelte in lingkung kuang sa a sak ma-in, a hing a keu-in amah in phiatkhia mang hen.

¹⁰Heh thukna a muh ciangin thuman mipa lungdam ding a, migilote’ sisan sungah amah in a khete sil ding hi.

¹¹Mite in, “Thuman mi a’ ding noptuamna om taktak a, leitung thu a khen Pasian khat om taktak hi,” ci ding uh hi.