Read Tedim Chin Late 63 Bible Online

Late 63 - Tedim Chin bible

Late 63

¹ Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gamkeu bangin ka pumpi bup in nang hong deih hi.

²Tua ahih manin biakinn sungah nangmahmah le na vangliatna na minthannate kei hong musak in.

³Nuntakna sangin nangma itna kip hoihzaw ahih manin nangmah ka hong phat ding hi.

⁴Tua ahih ciangin ka nuntak laiteng nang kong phat ding a, ka khutte hong laam to-in thu kong ngen ding hi.

⁵Ka lupna tungah nangmah hong ngaihsunsunin, zanthapai-in kong lungngaihngaih ciangin guhngek le sathau ne bangin ka lung tai mahmah a, lungdam mahmahna tawh nangmah phatna la ka sa ding hi.

⁷Bang hang hiam cih leh kei a hong huhpa na hi a, nangma hutna sungah lungdamin la ka sa hi.

⁸Nangmah ka hong bel a, nangma taklam khut in keimah a hong len hi.

⁹Ahi zongin thah dingin kei a hong zongte, lei thukpi sungah paisuk ding uh hi.

¹⁰Gal sungah amaute si ding uh a, ngiate’ an suak ding uh hi.

¹¹Ahi zongin Pasian’ hangin kumpipa lungdam ding a, Pasian tawh thuciamna a nei khempeuhte zong minthang ding uh hi. Bang hang hiam cih leh zuauthu a gen kam khempeuh kihubing ding hi.