Read Tedim Chin Late 76 Bible Online

Late 76 - Tedim Chin bible

Late 76

¹Judah gam sungah Pasian kithei a, Israel gam sungah ama min lian hi.

²Zion khua sungah ama tenna mun kibawl hi.

³Amah in tua lai-ah thaltangte, lum, namsau, le galhiamte a kuaitan hi.

⁴A om ngitnget mual liante sangin na min thangzaw a, na lianzaw hi.

⁵A thahatte’ neihsa nate kisutkhia a, amaute ihmucip suak uh hi.

⁶Jakob’ Pasian aw, nangma thuhilhna hangin sakol le a tung tuang pa khawlcip uh hi.

⁷Ahih hangin nang na kihtakhuai mahmah hi. Na heh khit phot ciangin nangma mai-ah kua ding ngam nawn ding ahi hiam?

⁸Vantung panin thukhenna na genkhia hi. Gimna a thuak leitung mi khempeuh a hon dingin thukhen dingin Pasian a kipat ciangin leitung lau mahmahin tang hetloin a om khikhe hi.

¹⁰Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

¹¹TOPA na Pasian’ tungah na thuciamnate uh pia unla, tuate khempeuh zui un. Leitung kumpite sangin a kihtakhuai zaw, uliante’ lungsim a niamkhiat, zahtak ding ahipa’ tungah, ama kiimah a om mi khempeuhte in letsong puak ta uh hen!