Read Tedim Chin PAUNAK 9 Bible Online

PAUNAK 9 - Tedim Chin bible

PAUNAK 9

¹Pilna in a inn lam a, a innkhuampi sagih a phut hi.

²Amah in pawi bawl dingin sa go-in leenggahzu khaih a, annekna ding sabuai a bawl hi.

³Khuasung munsang khempeuh panin mi a sam dingin a nasem numeite sawl a,

⁴“Thu thei lote aw, hong pai un,” ci-in samsak a, mihaite kiangah,

⁵“Hong pai unla, ka an huansa ne-in, ka bawlsa leenggahzu hong dawn un.

⁶Thu thei lote taisanin khansau unla, pilna lampi zui un,” cisak hi.

⁷Mihaite thuhilh lecin hong maizumsak ding a, migilote thuhilh lecin hong sugawp ding hi.

⁸Mihaite thuhilh kei in; hong mudah ding uh hi. Mipilte thuhilh in; hong it ding uh hi.

⁹Mipilte thuhilh lecin pil semsemna-in nei ding a, thuman mite thuhilh lecin a thutheihna uh khang semsem ding hi.

¹⁰TOPA zahtakna pen pilna kipatna hi a, Siangtho Pa theihna pen thumuhna ahi hi.

¹¹Pilna in na khang hong khan ding a, na nuntakna hong sausak ding hi.

¹²Pil lecin nangma phattuamna ding hi a, pilna don kei lecin nangma supna ding ahi hi.

¹³Haina pen a kamtam, zumna mel a thei lo numei tawh kibang a,

¹⁴ama kong gei-ah ahi a, a sangpen munah ahi zongin amah tu a,

¹⁵ama kiang a nawkkha, amau’ nasep bek a phawk kimlai mite kiangah,

¹⁶“Thu thei lote aw, hong pai un,” ci-in samin, mihaite kiangah,

¹⁷“Tui dawnsim, khumdiak a, an neksim, limdiak hi,” ci hi.

¹⁸Tua lai-ah a paite a sihna thu tua lai-ah a lutsate sihna gam thuk sungah a om khitna thu, a khemzawh mite in phawkkha lo uh hi.