Read Tedim Chin SIAMPI LAIBU 15 Bible Online

SIAMPI LAIBU 15 - Tedim Chin bible

SIAMPI LAIBU 15

¹TOPA in Moses le Aaron kiangah,

²“Israel mite tungah hih bangin gen in: Pasal khatpeuh, a natui a paikhiat ciangin tua a paikhia a natui pen a nin ahi hi.

³Amah a ninsak a natui paikhia tawh kisai-in ngeina hih bang ahi hi: A natui a paipai a, a khawl zongin, ama sungah nitna mah hi veve hi.

⁴A natui a paikhia mipa’ lupna le a tutna peuhmah a nin hi ding hi.

⁵Ama lupna a lawng peuhmah in a puante sawp ding a, amahmah tui sungah kisilin, a nitak mateng a nin hi ding hi.

⁶A natui a paikhia mipa’ tutnasa na khat peuhpeuh tungah a tu mi peuhmah in a puante sawp ding a, amahmah tui sungah kisilin, a nitak mateng a nin hi ding hi.

⁷A natui a paikhia mipa’ pumpi a lawng mi peuhmah in a puante sawp ding a, amahmah tui sungah kisilin, a nitak mateng a nin hi ding hi.

⁸A natui a paikhia mipa in a siang mipa’ tungah cil a siat leh, tua pa in a puante sawp ding a, amahmah tui sungah kisilin, a nitak mateng a nin hi ding hi.

⁹A natui a paikhia mipa a tutna tutphah khat peuhpeuh zong a nin hi ding hi.

¹⁰Ama nuai-ah a om na khat peuhpeuh a lawng mipa pen a nitak mateng a nin hi ding hi. Tua bang na a pua mipa in a puante sawp ding a, amahmah tui sungah kisilin, a nitak mateng a nin hi ding hi.

¹¹A natui a paikhia mipa in tui sungah a khut sil lopi-in a lawn’ mi peuhmah in ama puante sawp ding a, amahmah tui sungah kisilin, a nitak mateng a nin hi ding hi.

¹²A natui a paikhia mipa in a lawn’ lei tawh kibawl umlebeelte kisukham ding a, sing tawh kibawl kuanglekeute ahihleh tui sungah kisawp ding hi.

¹³“A natui a paikhia mipa a natui a kan ciangin a kisiansak nadingin amah in ni sagih sung ngak ding a, tua ciangin a puante sawpin, tuiluang sungah a pumpi sil ding a, a siang hi ding hi.

¹⁴A ni giat ni-in amah in vakhu nih ahih kei leh kawl vakhuno nih la-in, TOPA’ mai kikhopna bukkongah pai-in, siampipa tungah tuate pia ding hi.

¹⁵Siampipa in tuate, khat khialhna hanga biak nading le adang khat meihal biak nadingin pia ding a, a natui a paikhia mipa a dingin siampipa in TOPA’ mai-ah kilemna bawlsak ding hi.

¹⁶“Mi khat in a natui a teh leh, amah in a pumpi khempeuh tui sungah sil ding a, a nitak mateng a nin hi ding hi.

¹⁷A tungah a natui a tukna puan le savun peuhmah tui tawh kisawp ding a, a nitak mateng a nin hi ding hi.

¹⁸Pasal le numei a lupkhawm khit ciangin, amau tegel tui sungah kisil ding uh a, a nitak mateng a nin hi ding uh hi.

¹⁹“Numei khat in nin a neih ciangin, ni sagih sung a ninin om ding a, amah a lawng mi peuhmah a nitak mateng a nin hi ding hi.

²⁰Amah a nit hun sungin a lupna le a tutna peuhpeuh a nin hi ding hi.

²¹Ama lupna a lawng peuhmah in a puan sawp ding a, amahmah tui sungah kisilin, a nitak mateng a nin hi ding hi.

²²Ama tutna a lawng peuhmah in ama puante sawp ding a, tui sungah amahmah kisilin, a nitak mateng a nin hi ding hi.

²³Ama tutna ahi lupna hitaleh na khat peuhpeuh hitaleh, mi khat in a lawn’ ciangin a nitak mateng a nin hi ding hi.

²⁴Pasal khat peuhmah tua nu tawh lumin, tua nu’ nitna ama tungah a om leh, ni sagih sung tua pa a nin hi ding a, tua pa’ lupna peuhmah zong a nin hi ding hi.

²⁵“Numei khat in ama nit hun hi lo napi-in ni tampi sung a si a suak ahi a, ama nit hun sung khengin nin nei-in ahi zongin a om leh, a ninneih sung khempeuh, ama nit hun sung mah bangin a nin hi ding hi.

²⁶Ama ninneih hun sungtengin a tutna khempeuh zong a nit sungin ama lupna tawh kibang ding a, amah a nin ahih mah bangin a tutna khempeuh zong a nin hi ding hi.

²⁷Hih nate a lawng peuhmah a nin hi ding a, a puante sawpin, amahmah tui sungah kisil ding a, a nitak mateng a nin hi ding hi.

²⁸Ahih hangin tua nu a nin a bei zawh ni sagih khit ciangin a siang hi ding hi.

²⁹A ni giat ni-in tua nu in vakhu nih ahih kei leh kawl vakhuno nih la-in, kikhopna bukkong, siampipa kiangah tuate paipih ding hi.

³⁰Siampipa in khialhna hanga biak nadingin khat pia-in, meihal biak nadingin adang khat pia ding hi. Siampipa in ama nitna hangin TOPA’ mai-ah ama a’ ding kilemna bawlsak ding hi.

³¹“Amau’ laizang a om ka biakbuk ninsakkha le-uh amaute in sihlawh ding uh ahih ciangin, tua bangin note in Israel mite amau’ nitna panin siangsakin na kem ding uh hi,” a ci hi.

³²Hih pen a natui a paikhia mipa ahih kei leh a natui tehin, tua tawh mi nin a suak pa a dingin ngeina hi a,

³³nin a nei nu a’ ding zong ahi hi. Hihte pen pasal a natui a paikhia mi, ninnei numei le, a nin neih sungin numei tawh a lumkhawm mipa a dingin ngeina ahi hi.