Read Tedim Chin EZEKIEL 15 Bible Online

EZEKIEL 15 - Tedim Chin bible

EZEKIEL 15

¹TOPA in kei kiangah thu hong gen a,

²“Mihing ahi Ezekiel aw, leenggui pen singkung tawh bangci kiteh ding ahi hiam? Tulaka om singkungte tawh tehna-in leenggui hiangte banga kimang ahi hiam?

³Leengguite na-in kizang thei ahi hiam? Vankhaina-a zat ding singzum khet dingin kimang thei ahi hiam?

⁴Meitawhna ding bekin kimang hi. A mong tuak a kattum khit ciangin a omlai a zulkatteng, bangin kimang nawn ahi hiam?

⁵A kat ma-in zong bangmahin kimang lo ahih manin, kangin a vom khit ciangin a kimanna om lo semsem hi.

⁶“Tua ahih ciangin Topa PASIAN in hih bangin ci hi: Tulaka om singte in kimanna nei hi. Ahi zongin leengguite kila-in a kihaltum mah bangin Jerusalem-a teng mite lakhia-in

⁷gim ka pia ding hi. Mei panin khatvei a suahtak khit hangun tu-in mei in amaute kangtum ding hi. Amaute gim ka piak ciangin TOPA ka hihna thu na hong thei ding hi.

⁸Kei’ tungah amaute hong citak lo uh ahih manin gam sung khempeuh gamkhing ka suaksak ding hi, Topa PASIAN in ci hi,” a hong ci hi.