Read Tedim Chin GAMLAK VAKNA 1 Bible Online

GAMLAK VAKNA 1 - Tedim Chin bible

GAMLAK VAKNA 1

¹Amaute, Egypt gam panin a paikhiat zawh uh a kum nihna, a kha nihna a ni masa ni-in, Sinai sehnel gam kikhopna puanbuk sungah TOPA in Moses hopihin hih bangin ci hi:

²“Nang le Aaron in Israel mihonte khempeuh a innkuankuan, a behbehin, pasal peuhmah a milipin a phazah sim un.

³Israel sungah kum sawmnih panin a tungsiah a pha, galdo dingin a kuan thei ding mi khempeuh a honhonin na sim ding uh hi.

⁴A minam simin a beh sungah a lutang ahi mi khat ciat in hong huh ding uh hi.

⁵No hong huh dingte’ min: Reuben sung panin Shedeur’ tapa Elizur;

⁶Simeon sung panin Zurishaddai’ tapa Shelumiel;

⁷Judah sung panin Amminadab’ tapa Nahshon;

⁸Issakhar sung panin Zuar’ tapa Nethanel;

⁹Zebulun sung panin Helon’ tapa Eliab;

¹⁰Josef tapate, Efraim sung panin Ammihud’ tapa Elishama, le Manasseh sung panin Pedahzur’ tapa Gamaliel;

¹¹Benjamin sung panin Gideoni’ tapa Abidan;

¹²Dan sung panin Ammishaddai’ tapa Ahiezer;

¹³Asher sung panin Okran’ tapa Pagiel;

¹⁴Gad sung panin Deuel’ tapa Eliasaf;

¹⁵Naftali sung panin Enan’ tapa Ahira ahi hi,” a ci hi.

¹⁶Hihte pen mihon sung panin a kiteel, amau’ phung sung panin a makaite, Israel behte’ lutangte ahi uh hi.

¹⁷TOPA in Moses a thupiak bangin Moses le Aaron in a min kilosa hih mite khawmin, a kha nihna a ni masa ni-in amaute in kum sawmnih panin a tungsiah a pha peuhmah a milipin a innkuankuan, a behbehin amau le amau a kiciamteh mihon buppite khawm uh hi. Tua ahih ciangin amah in Sinai sehnel gamah amaute a phazah a sim hi.

²⁰Kum sawmnih panin a tungsiah a pha pasal peuhmah, a milipin, a innkuankuan, a behbehin, galdo dingin a kuan thei khempeuh, Israel’ tacil Reuben suanlekhakte a kipanin a mi phazah a sim uh a nuai-a bang ahi hi: Reuben minam tul sawmli le tulguk le zanga a pha hi. Simeon minam tul sawmnga le tulkua le zathum a pha hi. Gad minam tul sawmli le tulnga le zaguk le sawmnga a pha hi. Judah minam tul sawmsagih le tulli le zaguk a pha hi. Issakhar minam tul sawmnga le tulli le zali a pha hi. Zebulun minam tul sawmnga le tulsagih le zali a pha hi. Efraim minam tul sawmli le zanga a pha hi. Manasseh minam tul sawmthum le tulnih le zanih a pha hi. Benjamin minam tul sawmthum le tulnga le zali a pha hi. Dan minam tul sawmguk le tulnih le zasagih a pha hi. Asher minam tul sawmli le tulkhat le zanga a pha hi. Naftali minam tul sawmnga le tulthum le zali a pha hi. Tua ahih ciangi(...)

⁴⁷Ahih hangin Levi mite in amau’ nam min mah a tuamin pua uh ahih manin adangte tawh kisimkhawm lo hi.

⁴⁸Bang hang hiam cih leh TOPA in Moses kiangah,

⁴⁹“Levi minamte na sim kei ding a, Israel mite lakah amaute na simkhawm kei ding hi.

⁵⁰Ahih hangin Levi mite pen thuciamna biakbuk le a sung nazat khempeuh, le tua tawh a kisai na khempeuh a uk dingin seh in. Amaute pen biakbuk le a nazat khempeuh a pua dingte hi a, amaute in a biakbuk semin, a kimkotah phual sat ding uh hi.

⁵¹Biakbuk a kikhin ding ciangin Levi mite in phel ding uh a, biakbuk a kilam ding ciangin Levi mite mah in lam ding uh hi. Midang khat peuhpeuh in tua nasep a sep leh tua mi kithat ding hi.

⁵²Israel mite in a milipun amau’ giahphual ciat leh a dialkhai gei ciat uhah a pawlpawlin a puanbuk uh lam ding uh hi.

⁵³Ahih hangin Israel mihonte tungah hehna a om loh nadingin thuciamna biakbuk kiimah Levi mite bek in phual sat ding uh a, Levi mite bek in thuciamna biakbuk kem ding uh hi,” a ci hi.

⁵⁴Tua bangin Israel mite gamta uh a, TOPA in Moses a thupiak bangin amaute in a sem uh hi.