Read Tedim Chin GAMLAK VAKNA 26 Bible Online

GAMLAK VAKNA 26 - Tedim Chin bible

GAMLAK VAKNA 26

¹Tua gimna khit ciangin TOPA in Moses tung le siampi Aaron’ tapa Eleazar tungah,

²“Israel mihonte khempeuh kum sawmnih pan a tungsiah, a behbehin, Israel sung panin galdo dingin a kuankhia thei ding khempeuh sim in,” a ci hi.

³Moses le siampi Eleazar in Jerikho nai, Jordan kiang, Moab zanglei-ah amaute’ tungah thu gen a,

⁴TOPA in Moses a thupiak bangin, “Kum sawmnih pan a tungsiah peuhmah mi sim un,” a ci hi. Egypt gam panin a paikhia Israel mite:

⁵Israel’ tacil Reuben hi a, Reuben’ tapate: Hanok pan Hanok behte ahi uh hi; Pallu pan Pallu behte ahi uh hi;

⁶Hezron pan Hezron behte ahi uh hi; Karmi pan Karmi behte ahi uh hi.

⁷Hihte khempeuh pen Reuben minam ahi uh hi; amau mi tul sawmli le tulthum le zasagih le sawmthum pha hi.

⁸Pallu’ tapa Eliab ahi hi.

⁹Eliab’ tapate pen Nemuel, Dathan, le Abiram ahi uh hi. Hih Dathan le Abiram pen, mihonte lak panin pawl a kai, amaute in TOPA’ thu a seel lai-in Korah tawh kipawlin Moses le Aaron’ thu a seelte ahi uh hi.

¹⁰Mei in mihing zanih le sawmnga a kattum lai-in lei in a kam ka-in Korah tawh amaute valh tumin amau pawl teng si uh a, amaute pen hilhkholhna a suak uh hi.

¹¹Ahi zongin Korah’ tapate si lo uh hi.

¹²Amau’ behbehin Simeon minamte: Nemuel pan Nemuel behte ahi uh hi; Jamin pan Jamin behte ahi uh hi; Jakhin pan Jakhin behte ahi uh hi;

¹³Zerah pan Zerah behte ahi uh hi; Shaul pan Shaul behte ahi uh hi.

¹⁴Hihte pen Simeon minam hi uh a, mi tul sawmnih le tulnih le zanih ahi uh hi.

¹⁵Amau’ behbehin Gad minamte: Zefon pan Zefon behte ahi uh hi; Haggi pan Haggi behte ahi uh hi; Shuni pan Shuni behte ahi uh hi;

¹⁶Ozni pan Ozni behte ahi uh hi; Eri pan Eri behte ahi uh hi;

¹⁷Arod pan Arod behte ahi uh hi; Areli pan Areli behte ahi uh hi.

¹⁸Hihte pen Gad minamte hi a, mi tul sawmli le zanga ahi hi.

¹⁹Judah’ tapate pen Er le Onan hi a, Kanaan gamah Er le Onan si uh hi.

²⁰Amau’ behbehin Judah minamte in: Shelah pan Shelah behte ahi uh hi; Perez pan Perez behte ahi uh hi; Zerah pan Zerah behte ahi uh hi.

²¹Perez mite: Hezron pan Hezron behte ahi uh hi; Hamul pan Hamul behte ahi uh hi.

²²Hihte pen Judah minamte hi a, mi tul sawmsagih le tulguk le zanga ahi uh hi.

²³Amau’ behbehin Issakhar minamte: Tola pan Tola behte ahi uh hi; Puvah pan Puvah behte ahi uh hi;

²⁴Jashub pan Jashub behte ahi uh hi; Shimron pan Shimron behte ahi uh hi.

²⁵Hihte pen Issakhar minamte hi a, mi tul sawmguk le tulli le zathum ahi uh hi.

²⁶Amau’ behbehin Zebulun minamte: Sered pan Sered behte ahi uh hi; Elon pan Elon behte ahi uh hi; Jahleel pan Jahleel behte ahi uh hi.

²⁷Hihte pen Zebulun minamte hi a, mi tul sawmguk le zanga ahi uh hi.

²⁸Amau’ behbehin Josef minamte: Manasseh le Efraim ahi uh hi.

²⁹Manasseh minamte: Makhir pan Makhir behte ahi uh hi; Makhir pen Gilead’ pa ahi hi; Gilead pan Gilead behte ahi uh hi.

³⁰Gilead’ suante: Iezer pan Iezer behte ahi uh hi;

³¹Asriel pan Asriel behte ahi uh hi; Shekhem pan Shekhem behte ahi uh hi;

³²Shemida pan Shemida behte ahi uh hi; Hefer pan Hefer behte ahi uh hi.

³³Tu-in Hefer’ tapa Zelofehad in tapa nei lo a, ahih hangin tanu nei hi: Zelofehad’ tanute’ minte in Mahlah, Noah, Hoglah, Milkah, le Tirzah ahi hi.

³⁴Hihte pen Manasseh minamte hi a, mi tul sawmnga le tulnih le zasagih ahi hi.

³⁵Amau’ behbehin Efraim minamte: Suthelah pan Suthelah behte ahi uh hi; Bekher pan Bekher behte ahi uh hi; Tahan pan Tahan behte ahi uh hi.

³⁶Suthelah minamte: Eran pan Eran behte ahi uh hi.

³⁷Hihte pen Efraim minamte hi a, mi tul sawmthum le tulnih le zanga ahi hi. Hihte pen amau’ behbehin Josef minamte ahi hi.

³⁸Amau’ behbehin Benjamin minamte: Bela pan Bela behte ahi uh hi; Ashbel pan Ashbel behte ahi uh hi; Ahiram pan Ahiram behte ahi uh hi;

³⁹Shefufam pan Shefufam behte ahi uh hi; Hufam pan Hufam behte ahi uh hi.

⁴⁰Bela’ tapate pen Ard le Naaman ahi uh hi: Ard pan Ard behte ahi uh hi; Naaman pan Naaman behte ahi uh hi.

⁴¹Hihte pen amau’ behbehin Benjamin minamte hi a, mi tul sawmli le tulnga le zaguk ahi hi.

⁴²Amau’ behbehin Dan minamte: Shuham pan Shuham behte hi a, hihte pen Dan minamte ahi uh hi.

⁴³Dan minam sung pan Shuham behte mi tul sawmguk le tulli le za li ahi hi.

⁴⁴Amau’ behbehin Asher minamte: Imnah pan Imnah behte ahi uh hi; Ishvi pan Ishvi behte ahi uh hi; Beriah pan Beriah behte ahi uh hi.

⁴⁵Beriah minamte: Heber pan Heber behte ahi uh hi; Malkhiel pan Malkhiel behte ahi uh hi.

⁴⁶Asher’ tanu’ min Serah ahi hi.

⁴⁷Hihte pen Asher minamte hi a, tul sawmnga le tulthum le zali ahi hi.

⁴⁸Amau’ behbehin Naftali minamte: Jahzeel pan Jahzeel behte ahi uh hi; Guni pan Guni behte ahi uh hi;

⁴⁹Jezer pan Jezer behte ahi uh hi; Shillem pan Shillem behte ahi uh hi.

⁵⁰Hihte pen Naftali minamte hi a, mi tul sawmli le tulnga le za li ahi hi.

⁵¹Hihte pen Israel mi vekpi a phazah hi a, mi tul zaguk le tul khat le zasagih le sawmthum ahi uh hi.

⁵²TOPA in Moses kiangah,

⁵³“Mi a phazah tawh kizui-in hih mite tungah luah dingin leitang kihawm ding hi.

⁵⁴Minam a tamte tungah gamh a tam na pia ding a, minam a tawmte tungah gamh a tawm na pia ding hi. Minam khempeuh a mi phazah tawh kizui-in gamh kipia ding hi.

⁵⁵Ahih hangin leitang pen aisanna tawh kihawm ding a, amau’ beh min tawh kizui-in amaute in luah ding uh hi.

⁵⁶Aisanna tawh kizui-in a tamte tungah a tam, a tawmte tungah a tawm, a gamh uh kihawmsak ding hi,” a ci hi.

⁵⁷Amau’ behbehin a kisim Levi minamte: Gershon pan Gershon behte ahi uh hi; Kohath pan Kohath behte ahi uh hi; Merari pan Merari behte ahi uh hi.

⁵⁸Amau’ suante: Libni behte, Hebron behte, Mahli behte, Mushi behte, le Korah behte ahi uh hi. Kohath pen Aram’ pa ahi hi.

⁵⁹Amram’ zi pen Levi sung pan Egypt gamah a suak ahi Levi’ tanu Jokhebed ahi hi. Tua nu in Amram tawh Aaron, Moses, le a sanggamnu uh Miriam nei hi.

⁶⁰Aaron in ta Nadab, Abihu, Eleazar, le Ithamar nei hi.

⁶¹Ahih hangin Nadab le Abihu pen amaute in TOPA’ mai-ah mei siangtho lo a piak lai-un si uh hi.

⁶²Pasal peuhmah kha khat pan a tungsiah, amau’ sung pan a kisimte, tul sawmnih le tulthum ahi hi. Bang hang hiam cih leh Israel mite lakah amaute gamh kipia lo ahih manin Israel mite lakah amaute kisimkhawm lo hi.

⁶³Jerikho nai Jordan kiang Moab zanglei-ah Israel mite a sim Moses le siampi Eleazar mah in a sim mite pen hihte ahi uh hi.

⁶⁴Ahih hangin Sinai sehnel gamah Israel mite a sim Moses le Aaron in a simte lakah tu-in khat zong kihel nawn lo hi.

⁶⁵Bang hang hiam cih leh TOPA in amaute’ thu a genna-ah, “Amaute gamlakah si ding uh hi,” a ci hi. Jefunneh’ tapa Kaleb le Nun’ tapa Joshua lobuang amaute khat beek om nawn lo hi.