Read Tedim Chin GAMLAK VAKNA 30 Bible Online

GAMLAK VAKNA 30 - Tedim Chin bible

GAMLAK VAKNA 30

¹Moses in Israel minam lutangte tungah, “TOPA’ thupiak hih bang ahi hi:

²Mi khat in TOPA’ tungah thuciamna a ciam ciang ahi a, amah in a zuih dingin kiciamna a bawl ciang ahi zongin, amah ciampel lo ding a, ama kamsung panin a gingkhiate khempeuh tawh kizui-in gamta ding hi.

³“Tua ahih kei leh, numei khat in TOPA’ tungah thuciamna bawlin, a pa’ inn sungah nungakin a om sungin kamciamna tawh amah kikhihtawm a,

⁴amah in a zuih dingin thuciamna le kamciamnate a bawlna a pa in za napi-in ama tungah bangmah a cih kei leh, ama thuciamna khempeuh kip ding a, amah a kikhih tawmna kamciamna khempeuh kip ding hi.

⁵Ahih hangin a pa in a zak ni-in a lungkim lohna a tanu’ tungah a gen leh, tua nu’ thuciamna, amah a kikhih tawmna kamciamnate khat zong kip lo ding hi. A pa in nial ahih manin TOPA in tua nu maisak ding hi.

⁶“Tua numei, pasal khat tawh kiteng a, amah a kikhih tawmna thuciamna ahi a, ngaihsun lopi-in a kampaunate ahi zongin

⁷a pasal in za a, a zak ni-in a zi’ tungah bangmah a cih kei leh tua numei’ thuciamna kip ding a, amah a kikhih tawmna a kamciam kip ding hi.

⁸Ahih hangin, a pasal in tua thu a zak ni-in a lungkim lohna a gen leh, amah a kikhih tawmna ahi numei’ tunga om kamciamna le ngaihsun lopi-in a kampaunate amah in phiatsak ding a, TOPA in tua nu maisak ding hi.

⁹“Ahih hangin meigong numei’ thuciamna ahi a, a kima numei’ thuciamna ahi zongin, amah a kikhih tawmna peuhmah ama tungah kip ding hi.

¹⁰“Numei khat in a pasal’ inn sungah thu a ciam ahi a, kiciamna khat tawh kamciamin amah a kikhih tawmna ahi zongin,

¹¹a pasal in za a, a zi’ tungah bangmah ci loin, a nial kei leh, ama thuciamna khempeuh kip ding a, amah a kikhih tawmna thuciamna khempeuh zong kip ding hi.

¹²Ahih hangin a pasal in tua thute a zak ni-in a phiatsak leh, ama thuciamna tawh kisai-in a kam panin a gingkhia peuhmah ahi a, amahmah a kamciamna tawh kisaite ahi zongin kip lo ding hi. A pasal in tuate phiatsak ahih manin TOPA in tua nu maisak ding hi.

¹³Thuciamna khatpeuh ahi a, an tang dingin a kikhihna kamciam khatpeuh ahi zongin, a pasal in kipsak thei, a pasal in phiatsak thei hi.

¹⁴Ahih hangin a pasal in tua a kiciam ni a kipanin a zi’ tungah bangmah a cih kei leh, amah in a zi’ tunga om thuciamna khempeuh hitaleh a kamciam khempeuh hitaleh a kipsak ahi hi. Amah in tuate a zak ni-in ama tungah bangmah ci lo ahih manin tuate a kipsak ahi hi.

¹⁵Ahih hangin amah in tuate a zak khit ciangin a nung phiat leh, amah in a zi’ mawhna pua ding hi,” a ci hi.

¹⁶Hihte pen, pasal le a zi, le a pa’ inn sungah nungakin a om laitakin a pa le a tanu’ kikal-ah a om, TOPA in Moses a piak ngeinate ahi hi.