Read Tedim Chin GAMLAK VAKNA 33 Bible Online

GAMLAK VAKNA 33 - Tedim Chin bible

GAMLAK VAKNA 33

¹Hihte pen Moses le Aaron’ makaihna tawh Egypt gam panin a honin a paikhiat lai-un Israel mite’ giahphualte ahi hi.

²Moses in TOPA’ thupiakna tawh phual khat khit phual khat amau’ kipatna munte a gelh hi. Hihte pen amau’ kipatna mun tawh kizui-in a giahphualte ahi hi.

³A kha masa, tua kha ni sawm le ni nga ni-in Rameses panin amaute ding khia uh hi. Paisan Pawi masa ni khit a zing ciangin Egypt mite khempeuh’ muhna-ah gualzawhna tawh Israel mite paikhia uh a,

⁴TOPA in amaute’ lakah a thahlup tacil khempeuh Egypt mite in a vui laitak uh ahi hi. TOPA in amau pasian-te zogawp hi.

⁵Tua ahih ciangin Rameses panin Israel mite ding khia uh a, Sukkoth-ah giahphual sat uh hi.

⁶Sukkoth panin ding khia uh a, a gam mong a om Etham-ah giahphual sat uh hi.

⁷Etham panin ding khia uh a, Baalzefon nisuahna lama om Pihahiroth lamah kihei kik uh a, Migdol mai-ah giahphual sat uh hi.

⁸Pihahiroth mai panin ding khia uh a, tuipi laizang kantanin sehnel gamah pai-in Etham gam sungah ni thum lam pai uh a, Marah ah giahphual sat uh hi.

⁹Marah panin ding khia uh a, Elim tung uh hi. Elim-ah cik tuikhuk sawm le nih le nisuh kung sawmsagih om a, amaute in tua lai-ah giahphual sat uh hi.

¹⁰Elim panin ding khia uh a, San Tuipi gei-ah giahphual sat uh hi.

¹¹San Tuipi panin ding khia uh a, Sin sehnel gamah giahphual sat uh hi.

¹²Sin gam panin ding khia uh a, Dofkah-ah giahphual sat uh hi.

¹³Dofkah panin ding khia uh a, Alush ah giahphual sat uh hi.

¹⁴Alush panin ding khia uh a, mite’ dawn ding tui a om lohna Refidim-ah giahphual sat uh hi.

¹⁵Refidim panin ding khia uh a, Sinai sehnel gamah giahphual sat uh hi.

¹⁶Sinai gam panin ding khia uh a, Kibrothhattaavah-ah giahphual sat uh hi.

¹⁷Kibrothhattaavah panin ding khia uh a, Hazeroth-ah giahphual sat uh hi.

¹⁸Hazeroth panin ding khia uh a, Rithmah-ah giahphual sat uh hi.

¹⁹Rithmah panin ding khia uh a, Rimmonperez-ah giahphual sat uh hi.

²⁰Rimmonperez panin ding khia uh a, Libnah-ah giahphual sat uh hi.

²¹Ribnah panin ding khia uh a, Rissah-ah giahphual sat uh hi.

²²Rissah panin ding khia uh a, Kehelathah-ah giahphual sat uh hi.

²³Kehelathah panin ding khia uh a, Shefer Mual-ah giahphual sat uh hi.

²⁴Shefer Mual panin ding khia uh a, Haradah-ah giahphual sat uh hi.

²⁵Haradah panin ding khia uh a, Makheloth ah giahphual sat uh hi.

²⁶Makheloth panin ding khia uh a, Tahath-ah giahphual sat uh hi.

²⁷Tahath panin ding khia uh a, Terah-ah giahphual sat uh hi.

²⁸Terah panin ding khia uh a, Mithkah-ah giahphual sat uh hi.

²⁹Mithkah panin ding khia uh a, Hashmonah ah giahphual sat uh hi.

³⁰Hashmonah panin ding khia uh a, Moseroth-ah giahphual sat uh hi.

³¹Moseroth panin ding khia uh a, Benejaakan-ah giahphual sat uh hi.

³²Benejaakan panin ding khia uh a, Horhaggidgad-ah giahphual sat uh hi.

³³Horhaggidgad panin ding khia uh a, Jotbathah-ah giahphual sat uh hi.

³⁴Jotbathah panin ding khia uh a, Ebronah-ah giahphual sat uh hi.

³⁵Ebronah panin ding khia uh a, Eziongeber-ah giahphual sat uh hi.

³⁶Eziongeber panin ding khia uh a, (Kadesh ahi) Zin gamah giahphual sat uh hi.

³⁷Kadesh panin ding khia uh a, Edom gam mong Hor Mual-ah giahphual sat uh hi.

³⁸Israel mite Egypt gam panin a paikhiat zawh uh a kum sawmlina, a kha ngana, a ni masa ni-in TOPA’ thupiakna tawh Hor Mual tungah siampi Aaron paito-in tua lai-ah a si hi.

³⁹Hor Mual-ah Aaron a sihin kum za le kum sawmnih le kum thum a pha hi.

⁴⁰Kanaan gam sung Negeb gamah a teng Kanaan mi Arad kumpipa in Israel mite hong paina thu a za hi.

⁴¹Hor Mual panin amaute ding khia uh a, Zalmonah-ah giahphual sat uh hi.

⁴²Zalmonah panin ding khia uh a, Punon-ah giahphual sat uh hi.

⁴³Punon panin ding khia uh a, Oboth-ah giahphual sat uh hi.

⁴⁴Oboth panin ding khia uh a, Moab gam sung Iyeabarim-ah giahphual sat uh hi.

⁴⁵Iyim panin ding khia uh a, Dibongad-ah giahphual sat uh hi.

⁴⁶Dibongad panin ding khia uh a, Almondiblathaim ah giahphual sat uh hi.

⁴⁷Almondiblathaim panin ding khia uh a, Nebo tun ma Abarim mualte ah giahphual sat uh hi.

⁴⁸Abarim mualte panin ding khia uh a, Jerikho nai Jordan kiang Moab zanglei-ah giahphual sat uh a,

⁴⁹Jordan kiang Bethjeshimoth panin Moab zanglei sunga om Abelshittim dongah amaute in giahphual a sat uh hi.

⁵⁰Jerikho nai Jordan kiang Moab zanglei-ah TOPA in Moses kiangah,

⁵¹“Israel mite tungah hih bangin gen in: Jerikho kantanin Kanaan gam na tun uh ciangin

⁵²note’ mai panin tua gam a mi khempeuh na hawlkhia ding uh a, amau’ suang milimte khempeuh susia-in, a kisung amau’ milimte khempeuh na susia ding uh a, mualtung a a biaknate khempeuh uh na sumang ding uh hi.

⁵³Na neih dingun note’ tungah leitang hong pia khin ka hih manin note in leitang luahin tua tungah na teng ding uh hi.

⁵⁴Note in na minam uh tawh kizui-in aisanna tawh leitang na luah ding uh hi. Minam tamte tungah a tam na pia ding uh a, minam tawmte tungah a tawm na pia ding uh hi. Mi khatpeuh a’ ding ai a phatna peuhpeuh ama a’ hi ding a, na pate uh nam tawh kizui-in na luah ding uh hi.

⁵⁵Ahih hangin note’ mai panin tua gam a teng mite na hawlkhiat kei uhleh, na omsak lai uh mite pen na mittang uh a hong do, na pang uh a hong sun lingte tawh hong kibang ding uh a, na tenna gam uhah note hong gimsak ding uh hi.

⁵⁶Amaute tunga hih dinga ka ngaihsut bangin note’ tungah kong hih ding hi, ci-in gen in,” a ci hi.