Read Tedim Chin THU HILHKIKNA 11 Bible Online

THU HILHKIKNA 11 - Tedim Chin bible

THU HILHKIKNA 11

¹“Tua ahih ciangin TOPA na Pasian uh itin ama hong thuhilhna, a thukhamte, a ngeina kipte, a thupiakte na zui tawntung ding uh hi.

²Tuni-in ngaihsun un (a thei nai lo, a mu nai lo na tate uh tungah a gen hi lo ka hih ciangin), TOPA note’ Pasian’ hong thuhilhna, ama liatna, a vangliatna le a thahatna,

³Egypt kumpipa Faro le a leitang tung khempeuhah a hih Egypt gam sunga ama limte le a sepnate;

⁴Egypt galkapte, a sakolte le a leengte tungah a hihte; note hong delh laitakin San Tuipi tawh amaute tuumsakin, tuni dongin TOPA in amaute a suksiatna;

⁵hih mun na tun ma sungtengun sehnel gamah amah in note tungah hong hihte;

⁶Reuben’ tapa Eliab, a tapa Dathan le Abiram-te tungah a hihte; leitang a kam ka-in Israel khempeuh lakah a innkuanpihte, a puanbukte le amau a zuite khempeuh tawh amaute a nawmvalhna ngaihsun un.

⁷Bang hang hiam cih leh TOPA’ hihsa a nasepna a liante khempeuh na mitte un mu khin hi.

⁸“Tua ahih ciangin note thahatin, na luah ding uh leitangah va pai-in na luah theih nading uh le, TOPA in na pu na pate uh le a suanlekhakte uh tungah piak dingin a kiciam, bawngnawi le khuaizu tui bangin a luanna gamah sauvei na nuntak theih nadingun tuni-a kong gen thupiakna khempeuh na zui ding uh hi.

¹⁰Bang hang hiam cih leh luah dinga na lut nading uh leitang pen note’ hong paikhiatna, anteh cinna huan banga khaici vawhin tui na buah nadingun nakpitakin na semin tui na lakna uh Egypt leitang tawh kibang lo hi.

¹¹Note va pai-in na luah ding uh leitang pen, vantung panin guahtui a ngah mual le guam a omna leitang,

¹²TOPA na Pasian un a kep leitang hi a, kum kipat a kipan kum bei dongin TOPA note’ Pasian in tua leitang en tawntung hi.

¹³“TOPA na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tuni-a kong gen ama thupiaknate na zuih uhleh,

¹⁴na an uh le na leenggahzu uh le na sathau uh na kaihkhop theih nadingun amah in guah masa le guah nunung, a hunin na leitang uh a dingin hong zusak ding hi.

¹⁵Amah in na ganhingte uh a dingin na gam sung uhah lopa hong posak ding a, note in zong an ne-in na gil uh vah ding hi.

¹⁶Midangte’ hong khemna hangin note kihei-in pasian dangte’ na semin tuate na biakkhak loh nadingun kingaihsun un.

¹⁷Tua hikeileh no tungah TOPA hong hehin guah zu lo ding a, leitang in bangmah piangsak loin, TOPA in no hong piak leitang hoihah manlangin na siat pak theihna dingun amah in vantungte khakcip kha ding hi.

¹⁸“Tua ahih ciangin hih ka thugente na lungsim uhah ciamtehin na ngaihsun ding uh hi. Na khut tung uhah lim dingin na khih ding uh a, tuate pen na mitte uh kikalah talsuan hi ding hi.

¹⁹Na tate uh tungah na hilh ding uh a, na innsung uhah na lut laitak, lampi-ah na pai laitak, na lup ciang uhleh na thawh ciangun tuate genin na nei ding uh hi.

²⁰Vantungte, leitung’ tungah a om laiteng, amaute tungah piak dingin TOPA in na pu na pate uh tungah a kiciam gam sungah note le na tate uh khan a sau theih nadingin na inn kongkhak khuam uh le na kongpite uh tungah tuate na gelh ding uh hi.

²²“Bang hang hiam cih leh TOPA na Pasian uh itin, ama lampi khempeuh zui-in, amah beelin, nomau zuih dingin kong gen hih thupiakna khempeuh zuih ding na kingaihsut uhleh,

²³TOPA in na mai uhah a om hih minamte khempeuh hawlkhia ding a, note sangin lianzaw-in a thahatzaw minamte na suankhia ding uh hi.

²⁴Na khe un a sikna mun khempeuh nomau a’ hi ding hi. Na gamgi uh sehnel gam panin Lebanon ciang dong le Eufratis gun panin nitumna tuipi dong hi ding hi.

²⁵Na lang uhah kuamah pang zo lo ding hi. No tungah hong ciam bangin TOPA na Pasian un na tot ding uh gam khempeuh tungah note hong kizahtakna le note hong kikihtakna tungsak ding hi.

²⁶“En un, tuni-in na mai uhah thupha khat le hamsia khat ka koih hi.

²⁷Tuni-a kong gen, TOPA na Pasian uh thupiaknate na zuih uhleh thupha hi a,

²⁸TOPA na Pasian uh thupiaknate mang loin, na theih nai loh uh pasian dangte’ nungzui dingin tuni-a no kong thupiakna panin na kiheikhiat uh le hamsia ahi hi.

²⁹Luah dingin na lutna uh leitangah TOPA na Pasian un hong paipih ciangin Gerizim Mual tungah thupha taangko-in, Ebal Mual tungah hamsia na taangko ding uh hi.

³⁰(Tua mualte, Jordan gal, lampi panin nitumna lam, Moreh tawsaw gei-a Gilgal galkhat, Arabah-ah a teng Kanaan mite’ gam sungah om hi.)

³¹Bang hang hiam cih leh TOPA na Pasian un note hong piak leitang a luah dingin Jordan kantanin a pai ding na hi uh hi. Tua leitang luahin a sungah na ten uh ciangin,

³²tuni-a note kong piak thukhamte le ngeina kipte khempeuh na zuih ding uh limtakin na ngaihsun ding uh hi.