Read Tedim Chin SAWLTAK 22 Bible Online

SAWLTAK 22 - Tedim Chin bible

SAWLTAK 22

¹“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

²Hebru pau-in thu a genna mihonte in a zak uh ciangin amaute gamdaizaw kan uh ahih manin Paul in a thugen zomin,

³“Kei pen Silisia gam Tarsas khua-a suak Jew mi ka hi a, ahi zongin hih lai Jerusalem khua-ah Gamaliel’ khut sungah sangnaupang hi-in a khangto ka hi hi. I pu i pate’ Thukham limtakin hong kihilh a, tu-a note zah mahin Pasian tungah a kipia mi khat ka hi hi.

⁴Hih Thu a zui numei pasal a kuamah peuh manin thong sung ka denna a, sihna ciang dongin amaute ka bawlsia hi.

⁵Hih ka thugente a man ahihna thu, siampi lianpen pa le upa khempeuh in hong genthei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piaktheih nadingun tua khua-a om thu um mite manin sikkhau khihin Jerusalem khua-ah a ciahpih dingin ka va pai hi.

⁶“Damaskas khua a zuan dingin pai-in ka tun dektak sunkim pawl laitakin, thakhatthu-in van panin ka kimkot hong taangzaih hi.

⁷Leilakah pukin ka om laitakin awging khat ka za a, ‘Saul, Saul! Bang hangin kei hong bawlsia na hi hiam?’ hong ci hi.

⁸Kei zong, ‘Topa aw, kua na hi hiam?’ ci-in ka dot ciangin, ‘Nangmah in na hong bawlsiat, Nazareth khuami Jesuh ka hi hi,’ a hong ci hi.

⁹Ka tonpih mite in a khuavak taang mu uh a, ahi zongin kei’ tungah thu hong gen pa’ awging za lo uh hi.

¹⁰Tua ciangin kei zong, ‘Topa aw, bangci gamtat ding ka hi hiam?’ ci-in ka dot ciangin amah in, ‘Tho inla, Damaskas khua-ah pai in. Nang’ hih dingin Pasian in a sehsa thu khempeuh, tua khua panin hong kigen ding hi,’ a hong ci hi.

¹¹Tua khuavak taanglua hangin khua muthei nawn lo ka hih manin ka tonpihte in ka khutin hong lenin Damaskas khua-ah a hong paipih uh hi.

¹²“Tua khua-ah Ananias min nei, Thukham limtakin zui-in biakna hahkat mahmah, Damaskas khua-a om Jew mite in a zahtak mahmah mi khat a na om hi.

¹³Amah hong pai-in ka kiangah hong ding a, ‘Sanggam Saul aw, khua mukik in,’ hong cih phetin ka mit hong vakin amah ka muthei pah hi.

¹⁴Tua ciangin amah in, ‘I pu i pate’ Pasian in ama deihna a thei ding, a thuman a Nasempa a mu ding, le ama kam mahmah tawh a thugen a za dingin nang hong teel khinzo hi.

¹⁵Tua ahih manin na muhsa le na zaksa thu khempeuh, mi khempeuh tungah genin teci a pang ding na hi hi.

¹⁶Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

¹⁷“Tua ciangin Jerusalem khua-ah ka ciahkik a, biakinn sungah thu ngenin ka om laitakin maang ka mu hi.

¹⁸Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuankhia mengmeng in,’ hong ci hi.

¹⁹Kei zong, ‘Kikhopna innte-ah pai kawikawi-in nangma thu hong um mite manin ka satgawpna thu amaute mahmah in teltakin hong thei uh hi.

²⁰Nangma thu a gen Stefen a kithah laitakin kei mahmah zong ka om a, tua a kithahna thukimpihin a thatte’ puante nangawn ka kepsak hi,’ ci-in ka dawng hi.

²¹Tua ciangin Topa in kei kiangah, ‘Gentail mite omna gamlapi-ah hong sawl ding ka hih manin pai peuh in,’ hong ci hi,” a ci hi.

²²Paul in Gentail mite kianga pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.

²³Mihonte hehlua-in awngkekgawp uh a, a puan uh suahin vanah lawnin, leivui zong van lamah a lawn uh hi.

²⁴Tua ciangin Rom galkap mangpa in galkap huang sungah Paul a paipih nadingun thu pia a, bang hangin Jew mite hih bangin ama tungah hehin awngkekgawp uh ahi hiam, ci-in a theih nadingin a satsak hi.

²⁵Amaute in sat dingin a hen khit uh ciangin Paul in a gei-a ding galkap bupa kiangah, “Khial hi, ci-in thu nangawn a kisit nai lo Rom mi khat na sat ding uh ngeina ahi hiam?” a ci hi.

²⁶Galkap bupa in hih thu a zak ciangin galkap mangpa kiangah pai-in, “A bangci na hi hiam? Hua mipa, Rom gammi ahi hi,” a cih ciangin,

²⁷galkap mangpa zong Paul kiangah va pai-in, “Rom gammi na hi hiam, hong gen dih in,” a cih leh Paul in, “Ka hi mah hi,” ci-in a dawng hi.

²⁸Tua ciangin galkap mangpa in, “Hih Rom gammi suah nadingin sum tampi tawh ka lei hi,” a ci hi. Paul in, “Kei ka pianin Rom mi-a piang ka hi hi,” a ci hi.

²⁹Tua ahih manin Paul thu a dong dingin a gei-a om mite a paikhia uh hi. Sikkhau tawh a khih khit ciangin Paul pen Rom gammi ahihna a phawk ciangin galkap mangpa zong lau-in a lunghimawh hi.

³⁰Jew mite in bang hangin Paul mawhsak ahi uh hiam, ci-in teltakin galkap mangpa in theinuam ahih manin a zing ciangin Paul a khihsakna sikkhaute sutsak a, siampi liante le upate thu kikupna a nei dingin a samsak hi. Tua ciangin Paul paikhiatpihin uliante mai-ah a dingsak hi.