Read Tedim Chin 2 KORIN NIHNA 9 Bible Online

2 KORIN NIHNA 9 - Tedim Chin bible

2 KORIN NIHNA 9

¹Judea gam a om Pasian mite huh nading tawh kisai-in lai kong gelh ding kisam nawn lo hi.

²Note’ huhnopna thu ka theih khitsa hi a, Masedonia gam a pawlpite kiangah zong note ka hong kisialhpih khitsa ahi hi. “Akhaia gam a pawlpite in ni kum a kipanin huh dingin a kithawisa uh ahi hi,” ci-in ka na gen hi. Tua banga note’ lawpna in amaute tampi tak thanuamsak hi.

³Ahi zongin note ka hong kisialhpihna uh a mawkna a suahkhak loh nadingin na huh nading uh na kiging khol un, ka hong cih mah bangin na kiginkholh theih nadingun ka sanggamte uh ka hong ma paisak hi.

⁴Tua bang hikeileh kei ka hong pai ciangin Masedonia gam a ka lawmte in hong zuikha zenzen hen la, note a kiging lopi-in a om hong tuakkha leh, note ka hong muan gen mahmahsa ahih manin note’ maizum ding gen loh, kote bangzah takin maizum ding ka hi uh hiam?

⁵Tua ahih manin piak dingin na kamciamsa uh huhna sumte a baihsa-in a omtheih nadingin hih ka sanggamte a hong mapai ding kisam ka sa hi. Tua hileh kei ka hong tun ciangin a baihsa-in na om ding a, note in piak loh phamawh cihna lungsim tawh hi loin utna lungsim tawh a pia na hihna uh hong kilang ding hi.

⁶Note in na phawk ding uh thu panin: Khaici tawm a vawhte in tawm mah la ding a, tampi a vawhte in tampi mah la ding uh hi.

⁷Pasian in piaknopna lungsim tawh a pia mite bek deih ahih manin, a kuamah peuh in na lungsim sung uhah na ngaihsutsa zah ciat uh na pia unla, pia nuam lopipi le sawlzawh thu bek tawh na pia kei un.

⁸Note in na kisap khempeuh uh na neihtheih nading uh le midangte huh nading zong na neihthuah theih nadingun Pasian in hong pia thei hi.

⁹Bang hang hiam cih leh Lai Siangtho in, “Amah in citna tawh mizawngte pia zuahzuah a, ama migitna kip tawntung hi,” na ci hi.

¹⁰Tua ahih manin vawh ding khaici le nek ding an hong pia Pasian in note’ cit piakna hangin nopsakna lian tampi na ngahtheih nadingun note tungah a kisam khaici hong guanin a pungsak ding hi.

¹¹Kote tungtawnin note’ huhna sumte a ngahna uh hangin mi tampi in Pasian a phattheih nadingin note na cit gamtatzawh tawntung nadingun Pasian in hong hausak tawntung ding hi.

¹²Bang hang hiam cih leh note’ huhna sumte in Pasian’ mi a cimawhte’ dong a hu bek hi loin, Pasian’ tungah lungdamkoh nading zong a piangsak ahi hi.

¹³Note in na up uh Jesuh hangin lungdamna thu-ah na cihtakna uh le amaute le midang khempeuh tungah na cit piakna hangun mi tampite in Pasian’ min phat ding uh hi.

¹⁴Note tungah Pasian in hehpihna thupha a val a kanin hong piakna hangin amaute in note hong munuam mahmahin thu zong hong ngetsak ding uh hi.

¹⁵A manphatna a kigen zo lo Pasian’ hong piak hih thupha hangin Pasian tungah i lungdamna ko ciat ni.